МОДАР СУТУНИ ОИЛА ВА ҶОМЕА МЕБОШАД. Раёсати маорифи ВМКБ муаллимаҳои вилоятро бо Рӯзи Модар табрик намуд

Март 7, 2021 09:02

ХОРУҒ, 07.03.2021. /АМИТ «Ховар»/. Раёсати маорифи Вилояти Мухтори Кӯҳистони Бадахшон ва Шӯрои иттифоқҳои касабаи кормандони соҳаи маориф ва илми вилоят бо баргузории ҷаласаи тантанавӣ омӯзгорони муассисаҳои таълимии шаҳру ноҳияҳои вилоятро бо фарорасии Рӯзи Модар табрик намуданд. Дар ин бора хабарнигори минтақавии АМИТ «Ховар» Файз МИРАСАН аз Хоруғ хабар медиҳад.

Сардори Раёсати маорифи вилоят Одинашо Мардов кулли модаронеро, ки умри хешро ба таълиму тарбияи насли наврас бахшида, барои таҳкими таҳкурсии давлати соҳибистиқлол ва  ободиву пешрафти он ҳамеша  саъю талош мекунад табрик карда, изҳор дошт, ки “модар тамоми мушкилоти бунбастҳои зиндагиро қабул ва паси сар мекунад, то ба фарзандаш осеб нарасаду зиндагии орому бароҳат дошта бошад. Ва агар модар боз омӯзгор бошад, масъулияташ дучанд меафзояд. Зеро ӯ дар баробари волидон дар таълиму тарбияи шогирдон низ масъулият бар дӯш дорад. Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нақши модарону бонувонро дар тарбияи насли наврас, пойдориву устувории оила ва ба воя расондани фарзандони баору номус муассир шумурда, таъкид мекунанд, ки «модарон барои тарбияи дурусти фарзандон, ба ҳаёти мустақилона омода кардани онҳо, ҳифзи гармиву  баракати хонавода ва баланд бардоштани мақоми оила дар ҳаёти давлат ва ҷомеа саъю кӯшиш мекунанд».

Сардори Раёсати маорифи вилоят гуфт, ки ҳоло дар муассисаҳои таҳсилоти миёнаи умумии вилоят  зиёда аз 5 ҳазор омӯзгор ба таълиму табрияи насли наврас машғуланд, ки 85 фоизи онҳоро занону духтарон ташкил медиҳанд.

Таҷриба собит намудааст, ки дар он муассисаҳои таълимие, ки бонувон роҳбар ҳастанд, дар он ҷо ҳам таълиму тарбия, ҳам муҳити софу пок ва ҳам робита байни оилаву омӯзгорон бо низоми муайян ба роҳ гузошта шудааст.

Раиси Шӯрои Иттифоқҳои касабаи кормандони соҳаи маориф ва илми вилоят Саид Шоғузанфаров низ бонувонро ба ид табрик намуда, ба ҳар кадоми онҳо барои хизматҳои софдилона ва содиқонаашон сипоснома, мукофоти пулӣ ва туҳфаҳои хотиравӣ тақдим намуд. Зимни супоридани мукофот раиси Шӯрои иттифоқҳои касабаи кормандони соҳаи маориф ва илм изҳор дошт, ки давлату ҳукумати кишвар ҳамеша талош меварзанд, ки ранҷу заҳматҳои устодону омӯзгоронро қадр намуда, барои фаъолияти пурсамарашон шароити мусоид фароҳам созанд.

Бояд зикр кард, ки илму техника дар асри бисту як ба таври бесобиқа пеш меравад ва ҳар соату замон тарзу усулҳои таълим низ тағйир ёфта, технологияи ҷадид рӯи кор меояд. Аз ин рӯ барои омӯзгорон низ зарур аст, ки пайваста дониши назариявию амалии худро такмил диҳанд ва шавқу ҳаваси шогирдонро ба омӯзиши фанҳои дақиқ бештар ҷалб намоянд.

Март 7, 2021 09:02

Хабарҳои дигари ин бахш

Шабонарӯзи охир дар ҷаҳон зиёда аз 652 ҳазор ҳолати сирояти коронавирус ошкор гардид
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
«ПАС АЗ ВАКСИНАТСИЯ ЯГОН ОРИЗА ЭҲСОС НАШУДААСТ». Имрӯз рӯзноманигор, муаллиф ва барандаи барномаи Радиои «Ховар» ваксина гирифт
ИМРӮЗ – РӮЗИ УМУМИҶАҲОНИИ САЛОМАТӢ. Дар 16 муассисаи таълимии Душанбе иммунизатсияи кормандони соҳаи маориф ва илм оғоз гардид
СУТ: Эмгузаронии зидди COVID-19 дар 190 кишвар оғоз ёфт
Шабонарӯзи охир дар ҷаҳон зиёда аз 580 ҳазор ҳолати сирояти коронавирус ошкор гардид
Дар Тошканд ҳамоиши занҳои роҳбари кишварҳои СҲШ баргузор мешавад. Ҳилолбӣ Қурбонзода бо сухани ифтитоҳӣ ба иштирокчиён муроҷиат мекунад
Шабонарӯзи охир дар ҷаҳон зиёда аз 469 ҳазор ҳолати сирояти коронавирус ошкор гардид
Ба донишҷӯён аз Тоҷикистон барои бозгашт ба Россия ҷиҳати таҳсили рӯзона иҷозат дода шуд
Шабонарӯзи охир дар ҷаҳон зиёда аз 535 ҳазор ҳолати сирояти коронавирус ошкор гардид
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд

Маводҳои таҳлилӣ