Ҷоми КФО-2021: дастаи «Равшан» дар Бишкек бо «Дордой» ва «Аҳал» бозӣ мекунад

ДУШАНБЕ, 03.03.2021 /АМИТ «Ховар»/. Конфедератсияи футболи Осиё макони баргузории марҳилаи гурӯҳии мутамаркази Ҷоми КФО-2021-ро дар гурӯҳи «Е» тасдиқ намуд, ки дар он  барандаи Ҷоми Тоҷикистон- дастаи футболи «Равшан»-и шаҳри Кӯлоб иштирок мекунад. Рақобати ин дастаҳо  аз 14 то 20 майи соли равон дар шаҳри Бишкеки Қирғизистон доир мегардад. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Рақибони дастаи  футболи  «Равшан»-и шаҳри Кӯлоб   чемпиони Қирғизистон- дастаи футболи «Дордой» ва ноиб-чемпиони Туркманистон- дастаи футболи «Аҳал» мебошанд.

Ҷоми КФО-2021. Минтақаи марказӣ.

Макон – Бишкек, Қирғизистон

Гурӯҳи «Е».

«Равшан» (Тоҷикистон)

«Дордой» (Қирғизистон)

«Аҳал» (Туркманистон)

Даври 1-ум

14 май (ҷумъа)

«Аҳал» (Туркманистон) – «Равшан» (Тоҷикистон)

Даври 2-юм

17 май (душанбе)

«Дордой» (Қирғизистон) – «Аҳал» (Туркманистон)

Даври 3-юм

20 май (панҷшанбе)

«Равшан» (Тоҷикистон)  – «Дордой» (Қирғизистон)