Шабонарӯзи охир дар ҷаҳон зиёда аз 541 ҳазор ҳолати сирояти коронавирус ошкор гардид

ДУШАНБЕ, 31.03.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 541 ҳазор афзоиш ёфта, аз 128,80 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 09:00 (ба вақти Душанбе)-и 31 март, ба СУТ дар бораи 128 803 702 сироятшуда ва 2 815 991 фавт маълумот расидааст. Шумораи гирифторони ин беморӣ шабонарӯзи охир 541 919 нафар ва фавтидагон 10 866 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 31 097 154. Баъд аз он Бразилия (12 664 058), Ҳиндустон (12 148 487), Франсия (4 585 385), Россия (4 536 820), Британияи Кабир (4 341 736), Италия (3 561 012), Туркия (3 277 880), Испания (3 275 819), Германия (2 809 510), Колумбия (2 397 731) ва Аргентина (2 332 765) қарор доранд.

 АКС аз Максим Федоров / ТАСС