Собиқ бозигари «Помир» сармураббии дастаи «Ротор»-и Россия таъйин гардид

Март 22, 2021 09:01

ДУШАНБЕ, 22.03.2021 /АМИТ «Ховар»/. 20 март Юрий Батуренко сармураббии дастаи футболи «Ротор»-и Волгоград таъйин шуд. Дар ин бора хабарнигори АМИТ «Ховар» бо истинод ба хадамоти матбуотии дастаи мазкур хабар медиҳад.

Дар ин вазифа мутахассиси 56-сола Батуренко  Александр Хатскевичи беларусро иваз кард, ки 19 март сабукдӯш шуда буд. Хатскевич «Ротор»-ро аз охири соли 2019 роҳбарӣ мекард.

Батуренко қисми зиёди фаъолияти худро дар дастаи «Помир»-и Тоҷикистон ва «Локомотив»-и Москва гузаронидааст. Ҳамчун ёвари сармураббӣ, ӯ бо Сёмин дар «Локомотив», «Габала»-и Озарбойҷон, «Мордовия»-и Саранск ва «Анжи»-и Махачкала кор кардааст.

Батуренко Юрий Михайлович 29 декабри соли 1964 дар Душанбе таваллуд шудааст. Ӯ дар ҳайати дастаи «Помир» (Душанбе) ҳамчун нимҳимоятгар бозӣ кардааст. Аввалин дастаи касбии Батуренко «Пахтакор»-и Тошканд буд, аммо ӯ қисми зиёди фаъолияти худро дар «Помир» гузаронида, дар ҳайати он зиёда аз дусад бозӣ анҷом додааст. Соли 1988 дар ҳайати «Помир» ӯ дар лигаи аввал чемпиони ИҶШС шуд. Устоди варзиши ИҶШС мебошад.

Аз соли 1992 то 1996 дар тими мунтахаби Тоҷикистон се бозӣ кардааст.

Пас аз пошхӯрии ИҶШС, Юрий Сёмин, ки Батуренкоро аз аз замони  фаъолияти  якҷояаашон дар «Помир» мешинохт, ӯро ба «Локомотив»-и Москва даъват кард. Дар ин даста Батуренко медалҳои нуқра ва биринҷии чемпионати Россияро ба даст овард.

Пас аз анҷоми фаъолият, Батуренко ба ҳайати мураббиёни «Локомотив» дохил шуда, чанд сол бо дастаи ҷавонон ва бо «Локомотив-2» кор кард. Ҷои охирини кори Юрий Михайлович «Анжи»-и Махачкала буд.

 

АКС аз сомонаи дастаи «Ротор»

Март 22, 2021 09:01

Хабарҳои дигари ин бахш

Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд
Дар Қалъаи Муғтеппаи шаҳри Истаравшан Мусобиқаи байналмилалии гӯштингирӣ оғоз ёфт