Вазири тандурустӣ ва ҳифзи иҷтимоии аҳолӣ Ҷамолиддин Абдуллозода дар қатори аввалинҳо эм карда шуд
ДУШАНБЕ, 23.03.2021 /АМИТ «Ховар»/. Имрӯз дар Маҷмааи тандурустии «Истиқлол»-и пойтахт маросими расмии оғози ваксинатсия (иммунизатсия) бар зидди коронавирус дар Тоҷикистон баргузор шуд. Дар он хабарнигори АМИТ «Ховар» ширкат намуд.
Вазири тандурустӣ ва ҳифзи иҷтимоии аҳолии Тоҷикистон Ҷамолиддин Абдуллозода дар қатори аввалинҳо эм карда шуд. Пас аз ӯ муовинонаш Ғафур Муҳсинзода, Шодихон Ҷамшед ва Самариддин Ализода ваксина гирифтанд.
Аввалин нафаре, ки дар Тоҷикистон ба ӯ ваксинаи муқобили COVID-19 зада шуд, роҳбари Фонди кӯдакони Созмони Милали Муттаҳид (ЮНИСЕФ) дар Тоҷикистон Осама Маккави буд. Дар мусоҳиба бо хабарнигорон вай гуфт: » Бо эмкунии худ ман хостам нишон диҳам, ки ваксинаи AstraZeneca барои саломатӣ хатарнок нест». Вай шаҳваадони кишвари моро даъват кард, ки бидуни ҳеҷ дудилагӣ ваксина гиранд.
ДАР АКС: роҳбари Хазинаи кӯдакони СММ (ЮНИСЕФ) дар Тоҷикистон Осама Маккави
Ҷамолиддин Абдуллозода зимни маросим зикр кард, ки иммунизатсияи марҳилавӣ (эмгузаронӣ) алайҳи бемории сироятии COVID-19 дар байни гурӯҳҳои осебпазири аҳолӣ аз имрӯз оғоз ёфт. Қарори дахлдори Ҳукумати Ҷумҳурии Тоҷикистонро рӯзи 22 март Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон ба имзо расониданд. Вазир ҳамчунин гуфт, ки «эмкунӣ барои ҳифзи саломатӣ ҳатмист». Вай аз мардуми кишвар даъват кард, ки ба марказҳои тиббӣ омада, ваксина гиранд.
Ба гуфтаи Вазири тандурустӣ, дар маҷмӯъ дар Тоҷикистон 3000 нуқтаи эмгузаронӣ омода карда шудаанд. Тавре АМИТ «Ховар» қаблан хабар дода буд, ба ҳолати имрӯз ҷумҳурӣ дар доираи барномаи COVAX 192 ҳазор воя (доза) ваксинаҳои AstraZeneca гирифтааст. Ояндаи наздик қисмати дуюми ваксинаҳо ба Тоҷикистон ворид мешавад.Қаблан Вазорати тандурустӣ ва ҳифзи иҷтимоии аҳолӣ хабар дода буд, ки аввал табақаҳои зерини шаҳрвандони кишвар эм карда мешаванд:
• кормандони соҳаи тандурустӣ
• кормандони соҳаҳои стратегии хоҷагии халқ
• шахсони аз 60-сола боло
• шахсони гирифтори бемориҳои музмини ғайрисироятӣ
• кормандони соҳаи илм ва маориф.
Ёдовар мешавем, ки дирӯз, 22 март Қарори Ҳукумати Ҷумҳурии Тоҷикистон дар бораи гузаронидани иммунизатсия бар зидди бемории сироятии COVID-19 дар Ҷумҳурии Тоҷикистон ба тасвиб расид. Тибқи қарори мазкур ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон супориш дода шуд, ки баъд аз анҷоми ҳар як марҳилаи баргузории иммунизатсия бар зидди бемории сироятии COVID-19 дар Ҷумҳурии Тоҷикистон дар давоми 15 рӯз оид ба натиҷаи онҳо ба Ҳукумати Ҷумҳурии Тоҷикистон маълумот пешниҳод намояд.
ДАР АКС: Вазири тандурустӣ ва ҳифзи иҷтимоии аҳолии Тоҷикистон Ҷамолиддин Абдуллозода дар қатори аввалинҳо эм карда шуд. АКС аз АМИТ «Ховар»
Владимир Путин ба Эмомалӣ Раҳмон: Ҳеҷ неруе наметавонад муносибатҳои бародаронаи мардумони ду давлатро халалдор намояд
Маҷлиси Ҳукумати Ҷумҳурии Тоҷикистон баргузор гардид
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
