Бақайдгирии довталабон барои дохилшавӣ ба Донишкадаи давлатии муносибатҳои байналмилалии Москва оғоз шуд

Апрель 20, 2021 14:03

ДУШАНБЕ, 20.04.2021 /АМИТ «Ховар»/.  Аз 20 то 27 апрел дар маркази асосии Маркази миллии тестии назди Президенти Ҷумҳурии Тоҷикистон ва бахшҳои минтақавии он дар шаҳрҳои Хоруғ, Хуҷанд, Панҷакент, Бохтар, Кӯлоб ва ноҳияҳои Рашту Данғара бақайдгирии довталабон барои дохилшавӣ ба Донишкадаи давлатии муносибатҳои байналмилалии Москва гузаронида мешавад.

Тавре аз маркази матбуоти Маркази миллии тестӣ ба хабарнигори АМИТ «Ховар» иттилоъ доданд, дар озмун барои дохилшавӣ ба Донишкадаи давлатии муносибатҳои байналмилалии Москва шаҳрвандони то 35-солаи Ҷумҳурии Тоҷикистон иштирок карда метавонанд.

Барои бақайдгирӣ ҳуҷҷатҳои зерин:  ариза ба номи директори Марказ, шиносномаи миллӣ ё маълумотнома бо муҳру сурат аз ШВКД бо нусхааш, ҳуҷҷат дар бораи таҳсилот, маълумотнома аз муассисаи таълимии таҳсилоти миёнаи умумӣ ва дар бораи хатмкунандаи синфи 11-ум будан,   маълумотнома аз муассисаи таълимии таҳсилоти ибтидоии касбӣ дар бораи хатмкунанда будан,   маълумотнома аз муассисаи таълимии таҳсилоти миёнаи касбӣ дар хусуси хатмкунандаи гурӯҳи таҳсилаш пулакӣ будан, аттестат (шаҳодатнома) дар бораи таҳсилоти миёнаи умумӣ ва нусхаи он,  диплом ва замимааш дар бораи таҳсилоти ибтидоии касбӣ ва нусхаи онҳо, диплом ва замимааш дар бораи таҳсилоти миёнаи касбӣ ва нусхаи онҳо талаб карда мешавад.

Даври аввали озмун барои дохилшавӣ ба донишкадаи мазкур 30 апрел дар шаҳри Душанбе дар шакли тест (аз фанҳои математика, забони русӣ, забони англисӣ, таърих ва ҳуқуқ) ба забонҳои тоҷикӣ ва русӣ баргузор мешавад. Дар бораи макони баргузории тест ба ҳар яке аз довталабони номнависшуда тавассути телефон хабар дода хоҳад шуд.

Дар даври дигари озмун, ки ба он танҳо довталабони аз тест холҳои баландтаринро соҳибшуда роҳ дода мешаванд, як имтиҳони дигар дар шакли диктант ба забонҳои русӣ ва англисӣ доир мегардад, зеро барои таҳсил дар донишкадаи мазкур донистани забонҳои русӣ ва англисӣ ҳатмист.

Барои дохил шудани шаҳрвандони Ҷумҳурии Тоҷикистон ба Донишкадаи давлатии муносибатҳои байналмилалии Москва 5 бурсияи (квотаи) таҳсилӣ ҷудо шудааст.

Барои гирифтани маълумоти иловагӣ бо телефонҳои 224 53 68, 224 53 73, 224 53 67 бо Маркази миллии тестии назди Президенти Ҷумҳурии Тоҷикистон тамос гиред.

Апрель 20, 2021 14:03

Хабарҳои дигари ин бахш

Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд