Ба донишҷӯён аз Тоҷикистон барои бозгашт ба Россия ҷиҳати таҳсили рӯзона иҷозат дода шуд
ДУШАНБЕ, 05.04.2021 /АМИТ «Ховар»/. Ба донишҷӯён аз Тоҷикистон, ки дар донишгоҳҳои Федератсияи Россия таҳсил мекунанд, иҷозат доданд, ки ҷиҳати идомаи таҳсил дар шакли рӯзона ба Россия баргарданд. Тавре ки АМИТ «Ховар» иттилоъ медиҳад, дар ин хусус Вазорати илм ва таҳсилоти олии Федератсияи Россия хабар додааст.
Дар хабари Вазорати илм ва таҳсилоти олии Федератсияи Россия омадааст, ки боз аз панҷ кишвари дигар донишҷӯён метавонанд таҳсилро дар мактабҳои олии Россия идома бидиҳанд.
«Мутобиқи фармоиши Федератсияи Россия аз 31 марти соли 2021 донишҷӯёни хориҷӣ, аспирантҳо, ординаторҳо, шунавандагони факултаҳои омодасозӣ аз Венесуэла, Германия, Сурия, Тоҷикистон, Ӯзбекистон ва Шри-Ланка метавонанд ҷиҳати идомаи таҳсил ба Россия бозгарданд», — зикр шудааст дар хабар.
Ҷиҳати таҳсил ба Россия танҳо шаҳрвандони кишварҳое, ки Роспотребнадзор онҳоро ҳамчун кишвари дорои вазъияти эпидемиологии бехатар тавсия додааст, метавонанд ворид шаванд.
Қоидаҳои воридшавӣ
Пештар хадамоти матбуоти Вазорати илм ва таҳсилоти олии Федератсияи Россия иттилоъ дода буд, ки дар пасманзари пандемия вазорат қоидаҳои вуруди донишҷӯёни хориҷиро, ки дар Россия таҳсил мекунанд, таҳия намудааст.
Пеш аз мусофират ба Россия донишҷӯёни хориҷӣ бояд на камтар аз 10 рӯз қабл тавассути почтаи электронӣ донишгоҳро дар бораи санаи убури марз огоҳ кунанд, пас аз фиристодани мактуб, дар бораи воридшавӣ ба почтаи электронии донишҷӯ маълумот фиристода мешавад. Донишҷӯ на пештар аз се рӯзи тақвимӣ то ба Федератсияи Россия омадан бояд бо истифода аз усули ПТР аз озмоиши тестӣ ҷиҳати муайян намудани COVID-19 гузарад ва агар натиҷаи он манфӣ бошад, санади дахлдорро бо забони русӣ ё англисӣ дар кишвараш бигирад.
Давоми 72 соат пас аз ворид шудан ба ҳудуди Федератсияи Россия, донишҷӯёни хориҷӣ бояд аз озмоиши тестии такрории ПТР гузаранд. То замони дарёфт намудани натиҷаи санҷиши тестӣ онҳо бояд режими худмаҳдудкуниро дар ҷои истиқоматашон риоя кунанд. Дар давраи худмаҳдудкунӣ таҳсил дар шакли онлайн сурат мегирад, бидуни санҷиши тестии дуюм донишҷӯёни хориҷӣ ба таҳсили рӯзона роҳ дода намешаванд.
Агар дар давраи худмаҳдудкунӣ нишонаҳои аввалини бемории шадиди роҳҳои нафас пайдо шаванд, масалан, баланд шудани таб, дарди гулӯ, резиши оби бинӣ, сулфа, дар ин ҳолат донишҷӯ бояд фавран ба донишгоҳ хабар диҳад ва духтур даъват кунад.
АКСИ: © Кирилл Кухмар/ТАСС
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
