Ба ифтихори 30-солагии Истиқлоли давлатӣ дар Тоҷикистон ҳамоишҳои ҷавонони гуногункасб доир мегарданд

Апрель 15, 2021 09:34

ДУШАНБЕ, 15.04.2021 /АМИТ «Ховар»/.  Ба ифтихори 30-юмин солгарди Истиқлоли давлатии Ҷумҳурии Тоҷикистон  дар мамлакат таҳти унвони «Нақши ҷавонон дар 30 соли соҳибистиқлолӣ: дастовард ва дурнамо!» ҳамоишҳои ҷавонони касбу кори гуногуни вазорату идораҳо, ташкилоту муассисаҳо ва мақомоти иҷроияи ҳокимияти давлатӣ доир мегарданд.

Ҳамоишҳо бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон баргузор шуда, мақсад аз онҳо  муаррифӣ намудани дастовардҳои 30-соли даврони истиқлоли мамлакат мебошад.

Тавре муовини якуми Раиси Кумитаи кор бо ҷавонон ва варзиши мамлакат Ризо Назарзода ба хабарнигори АМИТ «Ховар» иброз дошт, Кумита ҳамчун мақомоти ваколатдори давлатӣ дар заминаи таҷлили сазовори ҷашни муқаддаси милливу давлатӣ- 30-юмин солгарди Истиқлоли давлатии Ҷумҳурии Тоҷикистон тасмим гирифтааст, ки  силсилаи ҳамоишҳои ҷавонони касбу кори гуногуни кишварро таҳти  унвони «Нақши ҷавонон дар 30 соли соҳибистиқлолӣ: дастовард ва дурнамо!» дар ҳамкорӣ бо вазорату идораҳо, ташкилоту муассисаҳо ва мақомоти иҷроияи ҳокимияти давлатӣ баргузор намояд.

«Тавре Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон борҳо таъкид намудаанд, «имрӯз ҷомеаи мамлакат ба қудрат ва тавоноии ҷавонони тоҷик дар таҳаввулоти иқтисодиву иҷтимоӣ ва умури давлатдорӣ сахт эътимод дорад». Саҳми устувор  ва мавқеи якдилонаи ҷавонони мамлакат зери роҳнамоии пайвастаи Пешвои муаззами миллат дар зарфи 30 соли соҳибистиқлолӣ нишон дод, ки воқеан ҷавонони созанда ва худшиноси мо ба қадри арзишҳои муқаддаси милливу давлатӣ, истиқлолу ваҳдати миллӣ ва заҳматҳои шоёни Пешвои худ расида, баҳри ҳифзи манфиатҳои миллӣ ва якпорчагии Тоҷикистон иродаи қавӣ доранд.

Дар ин замина, дар арафаи 30-солагии Истиқлоли давлатии Ҷумҳурии Тоҷикистон баргузор намудани ҳамоишҳои ҷавонони касбу кори гуногун ҷиҳати муаррифӣ намудани дастовардҳои онҳо дар зарфи 30 соли соҳибистиқлолӣ ба мақсад мувофиқ мебошад»,- афзуд мавсуф.

Ба зикри Ризо Назарзода, дар ҳамоиши мазкур сохторҳои масъулин қабл аз баргузории ҳамоишҳо намоиши дастовардҳои соҳаи худро ба маърази тамошо мегузоранд. Зимни баргузории ҳамоишҳо вобаста ба дастовардҳои соҳа маърӯзаҳои асоснок намуда, доир ба ояндабинии соҳа ва таъмини нақши ҷавонон дар он маълумот пешниҳод менамоянд.

Ёдовар мешавем, ки  ҳамоишҳои ҷавонони касбу кори гуногуни вазорату идораҳо, ташкилоту муассисаҳо ва мақомоти иҷроияи ҳокимияти давлатӣ таҳти унвони «Нақши ҷавонон дар 30 соли соҳибистиқлолӣ: дастовард ва дурнамо!» аз ҳафтаи сеюми моҳи апрели соли 2021 оғоз шуда, то охири моҳи декабри соли равон идома меёбанд.

                           Аксҳо аз манбаъҳои боз

Апрель 15, 2021 09:34

Хабарҳои дигари ин бахш

35-СОЛАГИИ ИСТИҚЛОЛИ ДАВЛАТӢ. Дар назди Беморхонаи марказии ноҳияи Мастчоҳ бинои нав сохта мешавад
Соҳибкасб намудани шаҳрвандон кафолати таъмини зиндагии шоиста мебошад
МАСЛИҲАТИ МУТАХАССИС. Инсон ба бемории гайморит аз беэҳтиётӣ нисбат ба саломатӣ гирифтор мешавад
Чаро кӯдакон нисбат ба калонсолон бештар ба зуком гирифтор мешаванд?
Соли 2024 фаъолияти беш аз 600 иншооти соҳаи тандурустӣ муваққатан манъ карда шуд
Вобаста ба нақши занону духтарон дар фаъолияти комиссияҳои интихоботӣ вохӯрӣ доир шуд
БАРДОШТ АЗ ПАЁМ. Дар шаҳри Хуҷанд се кӯдакистони замонавӣ ба истифода дода мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Айнӣ фермаи парандапарварӣ ба истифода дода мешавад
Дар Душанбе ҷаласаи Шурои тандурустии кишварҳои аъзои Иттиҳоди Давлатҳои Мустақил доир мегардад
Дар назди Кумита оид ба таҳсилоти ибтидоӣ ва миёнаи касбӣ маҳфили «Фурӯғи субҳи доноӣ китоб аст» таъсис ёфт
Мавҷудияти деворҳои ҳимоявӣ дар шоҳроҳи Душанбе-Чанок ҷони нафарони зиёдро наҷот додааст
«ЗАНОН ВА ПАЁМ». Дар Хатлон 50 ҳазор занон дар соҳаи маориф фаъолият менамоянд