Бар асари таркиш дар Кобул як нафар ҳалок ва се тани дигар захмӣ шуданд

Апрель 5, 2021 08:40

ДУШАНБЕ, 05.04.2021 /АМИТ «Ховар»/. Мақомоти амниятӣ мегӯянд, ки ҳангоми таркиши минаи канори ҷода дар Кобул як хизматчии низомии Артиши миллии Афғонистон кушта ва  се нафари дигар захмӣ шуданд, хабар медиҳад АМИТ «Ховар» бо истинод ба сомонаи “Садои Амрико” дар Афғонистон www.darivoa.com.

Сухангӯи полиси Кобул Фирдавс Фарамарз рӯзи якшанбеи 4 апрел ба хабарнигорон гуфт, ки таркиш тақрибан соати 8:40 дақиқаи субҳ дар мавзеи Қарғаи вулусволии Пағмон рух додааст.

Ҷаноби Фаромарз афзуд, ки ҳадафи таркиш як автомашинаи низомиёни афғон будааст.

Аҳмад Зиё Сироҷ, раиси амнияти миллии кишвар дирӯз дар як нишасти хабарӣ гуфт, ки афроди зиёде, ки дар таркишҳо, бахусус таркишҳои минаҳо дар Кобул даст доранд, аз сӯи неруҳои амниятӣ боздошт шудаанд.

Ҷаноби Сироҷ таъкид кард, ки аксари боздоштшудагон аъзои гурӯҳи «Толибон» (мамнӯъ дар Тоҷикистон) мебошанд ва бо супориши ин гурӯҳ дар Кобул ҳамлаҳои террористиро ташкил ва амалӣ мекарданд.

Инчунин “Садои Амрико” бо истинод ба полиси Кобул иттилоъ додааст, ки 04 апрел як маргталаб бо мошини пур аз маводи тарканда автомашинаи полисро дар мавзеъи Панҷа Чанори вулусволии Пағмон ҳадафи ҳамлаи худ қарор додааст. Дар натиҷаи ин ҳамлаи террористӣ се нафар ҳалок ва 12 нафар захмӣ шуданд.

Полис гуфтааст, ки шумораи қурбониёни ин таркиш метавонад афзоиш ёбад, зеро вазъи бархе аз маҷрӯҳон вазнин аст.

Полиси Кобул бидуни зикри гурӯҳе гуфт, ки «террористони ваҳшӣ» ин ҳамларо анҷом доданд.

Ҳеҷ гурӯҳе ё шахсе масъулияти ин ҳамлаҳоро бар дӯш нагирифтааст.

Апрель 5, 2021 08:40

Хабарҳои дигари ин бахш

Дар Тоҷикистон иҷрои нақшаи даъвати баҳории ҷавонон ба хизмати ҳатмии ҳарбӣ ба 45 фоиз баробар шуд
«Ҳар он кас, ки шараф дорад, кабир аст…». Дар Турсунзода маъракаи даъвати наваскарон пурра анҷом ёфт
Сафари расмии Вазири мудофиаи Тоҷикистон Шералӣ Мирзо ба Ҷумҳурии Исломии Эрон
Дар Бадахшон маъракаи сафарбаркунии наваскарон ба сафи Қувваҳои Мусаллаҳ дар як рӯз пурра ба анҷом расид
Дар шаҳри Панҷакент нахустин гурӯҳи наваскарон ба сафи Қувваҳои Мусаллаҳ гусел карда шуданд
АЛЕКСАНДР КНЯЗЕВ: «ИЗҲОРОТИ ТАШИЕВ ИҒВОАНГЕЗ ВА ҒАЙРИ ҚОБИЛИ ҚАБУЛ АСТ». Коршинос изҳороти мансабдори қирғизро бесалоҳиятона хонд
«НЕЛЕГАЛ-2021». Ҷаласаи Ситоди байналмилалии амалиёти минтақавии СААД оид ба пешгирии муҳоҷирати ғайриқонунӣ доир шуд
ТАСС: Кормандони полис гумонбари ҷинояти куштори шаҳрванди Тоҷикистонро дар Москваи нав боздошт карданд
Ду узви баландпояи «Ал-Қоида» ва «Толибон» дар Пактикои Афғонистон кушта шуданд
Се корманди маъракаи эмгузаронии зидди полиомиелит дар ду ҳамлаи террористӣ дар Нангарҳори Афғонистон кушта шуданд
Тоҷикистон ва Афғонистон муборизаро бар зидди ҷинояткории фаромиллӣ тақвият мебахшанд
Изат Амон аз Россия ронда шуда, дар Душанбе аз тарафи кормандони мақомоти корҳои дохилӣ дастгир гардид

Маводҳои таҳлилӣ