Дар Душанбе ҷаласаи 52-юми Кумитаи ҳамоҳангсозӣ оид ба мудофиаи зиддиҳавоии ИДМ баргузор шуд
ДУШАНБЕ, 14.04.2020. /АМИТ «Ховар»/. Имрӯз ҷаласаи 52-юми Кумитаи ҳамоҳангсозӣ оид ба мудофиаи зиддиҳавоӣ дар назди Шӯрои вазирони Иттиҳоди Давлатҳои Мустақил дар Душанбе баргузор гардид.
Тавре хабарнигори АМИТ «Ховар» иттилоъ дод, дар кори ҷаласа намояндагон аз давлатҳои Тоҷикистон, Ӯзбекистон, Қазоқистон, Қирғизистон, Россия, Арманистон ва Беларус иштирок намуданд.
Дар ҷаласа Вазири мудофиаи Ҷумҳурии Тоҷикистон, генерал-полковник Шералӣ Мирзо чунин гуфт:
«Мояи сарфарозист, ки ҷаласаи 52-юми Кумитаи ҳамоҳангсозӣ оид ба мудофиаи зиддиҳавоӣ дар назди Шӯрои вазирони Иттиҳоди Давлатҳои мустақил дар соле гузаронида мешавад, ки Ҷумҳурии Тоҷикистон ҷашни 30-солагии Истиқлоли давлатӣ, ҳамчунин раёсатро дар сохторҳои бонуфузи минтақавӣ-Созмони ҳамкории Шанхай (СҲШ) ва Созмони аҳдномаи амнияти дастҷамъӣ (СААД) ба уҳда дорад».
Ҳамзамон мавсуф афзуд, ки низоми мудофиаи ҳавоӣ дар ҳамкории кишварҳои узви ИДМ мавқеи муҳим ишғол мекунад.
Бино ба суханони Вазири мудофиаи ҶТ, ин самт дар бахши ҳамкориҳои низомӣ аз ҳама муҳим аст. Дар тӯли 25 сол корҳои зиёде анҷом дода шудаанд ва системаи муттаҳида намунаи равшани ҳамкории хубу ҳамоҳангшуда мебошад
«Дар баробари ин ман ҳамчун аъзои Шӯрои вазирони Иттиҳоди Давлатҳои мустақил бо боварӣ гуфта метавонам, ки минбаъд низ дар роҳи мудофиаи зиддиҳавоӣ миёни давлатҳои ИДМ ҳамкорӣ боз ҳам пурзӯр карда мешавад»,-тазаккур дод Шералӣ Мирзо.
Дар ҷаласа зикр гардид, ки низоми муттаҳидаи Мудофиаи зиддиҳавоии давлатҳои иштирокдори ИДМ дар асоси Созишномаи даҳ давлати иттиҳод аз 10 феврали соли 1995 дар Алмаато ба имзо расидааст. Аз ҳамон сол инҷониб 15 машқи муштараки қувваҳои муттаҳида, инчунин 27 машқи фармондеҳӣ-штабӣ бо иштироки низоми мудофиаи зиддиҳавоӣ ва неруҳои авиатсионӣ баргузор карда мешаванд, ки дар ҷараёни онҳо афсарони навбатдори мудофиаи неруҳои ҳавоии кишварҳои узви ИДМ тафтиш карда мешаванд. Дар охири ҷаласаи 52-юми Кумитаи ҳамоҳангсозӣ оид ба мудофиаи зиддиҳавоӣ дар назди Шӯрои вазирони Иттиҳоди Давлатҳои мустақил ба ифтихори 25-солагии низоми муттаҳидаи Мудофиаи зиддиҳавоӣ ба намояндагони давлатҳои иштирокдори ИДМ медал ва дигар туҳфаҳои хотиравӣ супориданд.
Дар Душанбе Маркази тамоси электронӣ оид ба қабули муроҷиатҳо ташкил карда шуд
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад
ДАСТОВАРДИ ДАВРОНИ СОҲИБИСТИҚЛОЛӢ. Ба таъсиси Кумитаи ҳолатҳои фавқулода ва мудофиаи граждании Тоҷикистон 31 сол пур шуд
Ҳамкорӣ дар самти пешгирии ҷинояткорӣ байни милитсияи Душанбе ва Тошканд тақвият меёбад
Дар Хоруғ машқи омодабошии мудофиаи ҳудудӣ ва захираҳои сафарбарӣ баргузор шуд
