Дар Душанбе ҷаласаи Кумитаи котибони шӯроҳои амнияти СААД дар шакли ҳузурӣ баргузор мегардад
ДУШАНБЕ, 29.04.2021 /АМИТ «Ховар»/. Имрӯз дар шаҳри Душанбе таҳти раёсати Котиби Шӯрои амнияти Ҷумҳурии Тоҷикистон Насрулло Маҳмудзода (Раиси Кумитаи котибони шӯроҳои амнияти Созмони аҳдномаи амнияти дастаҷамъӣ) ҷаласаи Кумитаи котибони шӯроҳои амнияти давлатҳои аъзои СААД баргузор мегардад.
Тавре мухбири АМИТ «Ховар» хабар медиҳад, дар ҷаласа, ки дар шакли ҳузурӣ баргузор мегардад, котиби Шӯрои амнияти Ҷумҳурии Арманистон Армен Григорян, котиби давлатии Шӯрои амнияти Ҷумҳурии Беларус Александр Волфович, Ёрдамчии Президент — Котиби Шӯрои амнияти Ҷумҳурии Қазоқистон Асет Исекешев, Котиби Шӯрои амнияти Ҷумҳурии Қирғизистон Рискелди Мусоев ва Котиби Шӯрои амнияти Федератсияи Россия Николай Патрушев иштирок мекунанд. Дар нишаст дабири кулли СААД Станислав Зас низ ширкат варзида, дар бораи вазъи минтақаи таҳти масъулияти Созмон ва масъалаҳои рӯзнома маълумот медиҳад.
Пеш аз оғози ҷаласаи Кумитаи котибони шӯроҳои амнияти СААД котибони шӯроҳои амниятро Раиси Шӯрои амнияти дастаҷамъии СААД, Президенти Ҷумҳурии Тоҷикистон муҳтарам Эмомалӣ Раҳмон ба ҳузур мепазиранд.
Сипас, дар қароргоҳи Ҳукумати Тоҷикистон дар шаҳри Душанбе ҷаласаи Кумитаи котибони шӯроҳои амнияти СААД дар ҳайати маҳдуд ва васеъ баргузор шуда, дар анҷоми он Протокол ба имзо мерасад.
Котиби Шӯрои амнияти Ҷумҳурии Тоҷикистон Насрулло Маҳмудзода ва Дабири кулли СААД Станислав Зас нишасти матбуотӣ доир намуда, дар он оид ба натиҷаҳои ҷаласа маълумот медиҳанд.
АКСИ АМИТ «Ховар»
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
