Дар ноҳияи Шамсиддини Шоҳин бахшида ба бузургдошти Мирзо Турсунзода маҳфили маърифатӣ доир шуд
ШАМСИДДИН ШОҲИН, 26.04.2021 /АМИТ «Ховар»/. Бахшида ба 110-солагии мунодии сулҳ, Қаҳрамони Тоҷикистон ва шоири ширинкалом Мирзо Турсунзода шуъбаи маорифи мақомоти иҷроияи ҳокимияти давлатии ноҳияи Шамсиддини Шоҳин силсилабарномаҳои маърифатӣ ташкил намудааст, ки яке аз ин гуна барномаҳо дар муассисаи таҳсилоти миёнаи умумии рақами 1 баргузор карда шуд. Дар он хонандагони муассисаи таҳсилоти миёнаи умумии рақами 7 доир ба ҳаёту фаъолияти ин фарзанди фарзонаи миллат сухан ронда, аз ашъри пурғановаташ шеърҳо қироат карданд.
Тавре иштирокчии барнома Машҳура Зокирзода иттилоъ дод, дастандаркорони маҳфил намоишгоҳи асарҳои шоирро ташкил намуда, расму овезаҳоро ба намоиш гузоштанд. Аз баромади хонандагон маълум буд, ки аз осори Мирзо Турсунзода бархурдоранд, зеро ҳар иштирокчӣ аз шеъру ғазал ва достонҳои шоир порчаҳо қироат мекард.
Зикр гардид, ки Мирзо Турсунзода ҳамчун муборизу тарғибгари сулҳу амонӣ ва ғояҳои байналмиллалӣ борҳо сафарҳои хориҷӣ анҷом дода, дар роҳи таҳкими сулҳу дӯстии кишварҳои Ғарбу Шарқ хизматҳои беназир анҷом додааст. Дар натиҷаи сафарҳояш ба ин кишварҳо чун шахсияти барҷастаи фарҳангию иҷтимоӣ ба камол расида, Тоҷикистону мардуми онро ба оламиён муаррифӣ кардааст. Шори маҳбуб дар рушди адабиёти тоҷик низ саҳми арзанда дорад.
Ба гуфти корманди шуъбаи маорифи ноҳия Ҷурахон Наимов, бахшида ба 110-солагии шоир миёни хонандагони муассисаҳои таълимӣ озмунҳои гуногун ташкил карда шуда, дар ҳамаи мактабҳо гузаронида мешаванд.
Аксҳо аз бойгонӣ
Маърузаи олими тоҷик доир ба ҳифз ва рушди анъанаҳои миллии фарҳанг ва санъат дар ҷаҳон соҳиби ҷоизаи махсус гардид
Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
Дар Маркази рушди инноватсионии илм ва технологияҳои нав системаи гармидиҳӣ насб мегардад
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
НИШАСТИ МАТБУОТӢ. Донишкадаи давлатии фарҳанг ва санъати Тоҷикистон ихтисоси «Омӯзгорони томактабӣ» таъсис медиҳад
Дӯстӣ пойдор бошад, комёбиҳо бештар мегарданд. Эҳдо ба Рӯзи байналмилалии дӯстӣ
