ФУТБОЛ. Имрӯз дастаи «Истиқлол» бо чемпиони секаратаи Лигаи чемпионҳо рақобат мекунад
ДУШАНБЕ, 21.04.2021 /АМИТ «Ховар»/. Имрӯз чемпиони даҳкаратаи Тоҷикистон- дастаи футболи «Истиқлол»-и шаҳри Душанбе дар даври сеюми марҳилаи гурӯҳии Лигаи чемпионҳои Осиё-2021 бо дастаи футболи «Ал-Ҳилол»-и Арабистони Саудӣ, ки соли 2019 ғолиби Лигаи чемпионҳои Осиё гардида буд, вориди рақобат мешавад.
Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Дастаҳои футболи «Истиқлол»-и шаҳри Душанбе ва «Ал-Ҳилол»-и Арабистони Саудӣ талош мекунанд, ки дар садри ҷадвали гурӯҳи «А» мавқеи худро устувор намоянд. Ҳарду даста айни ҳол чоримтиёзӣ дошта, дастаи «Ал-Ҳилол» бо сабаби беҳтар будани таносуби тӯбҳо дар зинаи якум қарор дорад. Ин ғалаба метавонад ин ду дастаро ба даври плей-офф наздиктар кунад.
Аз ин пеш дастаи футболи «Истиқлол»-и шаҳри Душанбе дар бозии дуюмаш бар дастаи АГМК-и Ӯзбекистон бо ҳисоби 3:2 ғалаба карда, пирӯзии аввалин ва таърихиашро дар Лигаи чемпионҳои Осиё ҷашн гирифт. Голҳоро аз ҳайати дастаи футболи «Истиқлол»-и шаҳри Душанбе Манучеҳр Ҷалилов ва Муҳаммадҷон Раҳимов ба ҳадаф расониданд. Як голи дигарро легионери сербиягии дастаи АГМК Йован Ҷокич ба дарвозаи дастааш зад.
Қаблан дар даври аввали марҳилаи гурӯҳии Лигаи чемпионҳои Осиё-2021 дастаи футболи «Истиқлол»-и шаҳри Душанбе бо дастаи «Шабоб Ал-Аҳлӣ Дубай» бо ҳисоби мусовии 0:0 бозӣ карда буд. Дар бозии дигари даври дуюми гурӯҳи «А» дастаи футболи «Ал-Ҳилол»-и Арабистони Саудӣ бар дастаи «Шабоб Ал-Аҳлӣ Дубай» бо ҳисоби 2:0 пирӯз шуд. Пас аз натиҷагирии ду давр дастаҳои футболи «Ал-Ҳилол»-и Арабистони Саудӣ ва «Истиқлол»-и шаҳри Душанбе бо 4-холӣ дар садри ҷадвали гурӯҳи «А» қарор доранд.
Акнун дар даври сеюми марҳилаи гурӯҳии Лигаи чемпионҳои Осиё-2021 ду дастаи пешсаф- «Истиқлол»-и шаҳри Душанбе бо дастаи футболи «Ал-Ҳилол»-и Арабистони Саудӣ бо ҳам рақобат мекунанд. Хотиррасон мекунем, ки сабқати мазкур имшаб, соати 23:55 бо вақти Душанбе тариқи шабакаи ТВ «Варзиш» манзури тамошобинон мешавад. Дар ин бозии мушкил ва пуршиддат ба дастаи футболи «Истиқлол»-и шаҳри Душанбе барору комёбӣ таманно дорем.
Лигаи чемпионҳои Осиё-2021
Гурӯҳи «А». 2-юм давр
АГМК (Ӯзбекистон) – «Истиқлол»-и Тоҷикистон – 2:3
Голҳо: Йован Ҷокич, 45+1 – ба дарвозаи дастаи худ (0:1). Манучеҳр Ҷалилов, 54 (0:2). Зафар Полвонов, 57 (1:2). Муҳаммадҷон Раҳимов, 80 (1:3). Зафар Полвонов, 90+1 (2:3).
«Истиқлол» (Тоҷикистон): Рустам Ятимов, Алексей Ларин, Андрей Мишенко, Зоир Ҷурабоев, Манучеҳр Сафаров (Ваҳдат Ханонов, 46), Муҳаммадҷон Раҳимов (Аҳтам Назаров, 90+3), Нуриддин Давронов, Шаҳром Сулаймонов, Алишер Ҷалилов, Ҳусейн Доған (Рустам Соиров, 90+3), Манучеҳр Ҷалилов.
Беҳтарин бозингар: Манучеҳр Ҷалилов («Истиқлол»).
18 апрел. Риёз. Варзишгоҳи байналмилалии ба номи шоҳ Фаҳд.
«Шабоб Ал-Аҳлӣ Дубай» (АМА) – «Ал-Ҳилол» (Арабистони Саудӣ) – 0:2
Лигаи чемпионҳои КФО-2021
Гурӯҳи «А». Даври 1-ум
«ИСТИҚЛОЛ» (Тоҷикистон) – «Шабоб Ал-Аҳлӣ Дубай» (АМА) – 0:0
«Истиқлол»: Рустам Ятимов, Алексей Ларин, Андрей Мишенко, Зоир Ҷурабоев, Манучеҳр Сафаров, Муҳаммаҳон Раҳимов (Ваҳдат Ҳанонов, 84), Нуриддин Давронов, Шаҳром Сулаймонов, Алишер Ҷалилов, Ҳусейн Доган, Манучеҳр Ҳалилов (Рустам Соиров, 64).
«Ал-Ҳилол» (А. Саудӣ) – АГМК (Ӯзбекистон) – 2:2
| ДАСТАҲО | Б | Ғ | М | Б | Т-Т | Х | |
| 1 | «Ал-Ҳилол» (Арабистони Саудӣ) | 2 | 1 | 1 | 0 | 4-2 | 4 |
| 2 | «Истиқлол» (Тоҷикистон) | 2 | 1 | 1 | 0 | 3-2 | 4 |
| 3 | АГМК (Ӯзбекистон) | 2 | 0 | 1 | 1 | 4-5 | 1 |
| 4 | «Шабоб Ал-Аҳлӣ Дубай» (АМА) | 2 | 0 | 1 | 1 | 0-2 | 1 |
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд
Душанбе мизбони мусобиқаҳои бонуфузи қитъавӣ – Ҷоми Осиё оид ба ҷудо байни наврасон ва ҷавонон-2025 мегардад
Дастаи мунтахаби Тоҷикистон дар бозии даври панҷуми марҳилаи интихобии Ҷоми Осиё-2027 дастаи Тимори Шарқиро мағлуб намуд
Дастаи наврасони Тоҷикистон (U-15) дар бозии санҷишӣ дастаи мунтахаби Русияро мағлуб кард
Горан Стеванович: «Мо ба шаҳри Дарвин барои ба даст овардани се имтиёз омадаем»
