Имрӯз гурӯҳи аввалини ҷавонони синни даъватии шаҳри Исфара ба хизмати ҳарбӣ сафарбар шуд

Апрель 1, 2021 13:30

ДУШАНБЕ, 01.04.2021 /АМИТ “Ховар”/. Имрӯз гурӯҳи аввалини ҷавонони синни даъватии шаҳри Исфара ба хизмати ҳарбӣ гусел карда  шуданд. Ба ин муносибат дар майдони  Исмоили Сомонии маркази шаҳри Исфара бо ширкати роҳбарияти мақомоти иҷроияи ҳокимияти давлатӣ, кормандони комиссариати ҳарбӣ, масъулини мизҳои ҳарбии ҷамоатҳои шаҳраку деҳот, собиқадорони ҷангу меҳнат ва волидайну пайвандони ҷавононе, ки  адои хизмати Модар-Ватанро ихтиёр намудаанд, ҳамоиши тантанавӣ баргузор гардид.

Тавре аз мақомоти иҷроияи ҳокимияти давлатии шаҳри Исфара ба АМИТ “Ховар” иттилоъ доданд, раиси шаҳри Исфара Баҳоваддин Баҳодурзода изҳор дошт, ки нахустин рӯзи сафарбарнамоӣ ва гусели ҷавонон ба сафи Қувваҳои Мусаллаҳи мамлакат аз оғози нек ва муташаккилонаи маъракаи даъватӣ дарак медиҳад. Зеро дар оғоз ва нахустин рӯзҳои маъракаи даъватии баҳорона ҷамоатҳои деҳоти Воруху Чоркӯҳ, Хонобод, шаҳракҳои Нефтободу Нурафшон аз иҷрои меъёрҳои муқарраршудаи даъватӣ бо сарбаландӣ баромаданд.

Ҳамчунин Баҳоваддин Баҳодурзода зикр намуд, ки аҷдодони хирадманди мо аз қадимулайём мардонагии ҳақиқиро дар омодагӣ ба ҳифзи Ватан ва ҷонфидоӣ ба номи Ватан медиданд. Бузургмардоне, чун Спитамену Деваштич, Темурмалику Восеъ ва даҳҳо дигарон, ки хушбахтии комили мардуми худро дар мавҷудияти Ватан дидаву баҳри ҳифзу ҳимояи сарзамини аҷдодии хеш ҷонфидоёна мубориза бурдаанд, тимсоли қаҳрамонӣ ва ватандорӣ буда, ҳомиёни имрӯзаи  Ватан бояд аз онҳо ибрат гиранд.

Иштирокдорон аз муқаддас будани Ватан ва ҳатмӣ будани хизмати ҳарбӣ ёдовар шуда,  бо тазаккури зарурати дифоъ аз марзу буми Тоҷикистони  соҳибистиқлол ва шарафу номуси миллат ба ҷавонон дар адои хизмати аскарӣ сабру таҳаммул, шуҷоату далерӣ, бурдбориву сарбаландӣ  ва музаффарияти беназир таманно намуданд.

Дар ҷараёни ҳамоиш ҳамчунин раиси Шўрои собиқадорони меҳнати шаҳри Исфара Содирхон Қосимӣ ва модари даъватшаванда Ашурхон Умедова  сухан гуфта, нахуст ба ҷавонони дар мавсими баҳорӣ аз аввалинҳо шуда ба адои хизмати ҳарбӣ сафарбаршаванда изҳори сипос ва минатдорӣ карданд.

Сарбози ба тозагӣ хизмати аскариро ба итмом расонида Меҳрулло Зоҳидов изҳор дошт, ки хизмат дар сафи Қувваҳои мусаллаҳ мактаби мукаммали ҳаёт ва обутоби ахлоқиву ҷисмонӣ, арсаи далерию мардонагӣ мебошад ва бояд ҷавонони синни даъватӣ барои ба ҷо овардани хизмати Модар-Ватан камар банданд.

Даъватшаванда аз деҳаи Чоркӯҳ Заробиддин Салимов изҳор дошт, ки “ҷавонон набояд аз хизмати ҳарбӣ саркашӣ кунанд. Зеро аскарӣ ба ҷуз адои қарзи шаҳрвандӣ мактаби хуби ҷавонмардиву садоқат ва омодагӣ ба зиндагии мустақилонаву расидан ба қадри падару модар ва додару хоҳар аст”. Ў аз номи ҷавонони баору номус, ҷавонмардони ҳақиқие, ки ифтихори баланди миллӣ доранду ватанашонро аз сидқи дил дӯст медоранд, дар назди аҳли ҷамъомад ботантана ваъда дод, ки дар сафи Қувваҳои  Мусаллаҳ хизмати Модар-Ватанро бо сари баланду дили пок   адо  хоҳанд кард

Ҳунарнамоии аҳли фарҳанги шаҳр ва шодиву нишоти сарбозону наваскарон  анҷомбахши ин ҷамъомади бошукӯҳ буд.

Апрель 1, 2021 13:30

Хабарҳои дигари ин бахш

«ФАЙЗУ ОБОДИВУ СЕРӢ РӮИ ХОН ОМАД, МЕҲРГОН ОМАД!..». Илҳоми Шоири халқии Тоҷикистон Камол Насрулло аз меҳрафшонию фаровонии ин иди қадимаи ниёгон
Шабонарӯзи охир дар Тоҷикистон ягон ҳолати нави гирифторшавӣ ба COVID-19 ба қайд гирифта нашуд
Шабонарӯзи охир дар Тоҷикистон ду ҳолати нави гирифторшавӣ ба COVID-19 ба қайд гирифта шуд
Президенти Тоҷикистон Эмомалӣ Раҳмон аз таҳдиди ҷиддӣ ба кишварҳои ИДМ аз сӯи Афғонистон ҳушдор доданд
Коршиноси АМИТ «Ховар» Иттиҳоди Аврупо ва Тоҷикистонро кафилони амнияти Авруосиё арзёбӣ намуд
МУАРРИФИИ МУВАФФАҚОНА. Андешаҳои Директори Маркази тадқиқоти стратегӣ роҷеъ ба сафари Президенти Ҷумҳурии Тоҷикистон ба Аврупо
«МЕХОҲАМ МАВҚЕИ УСТУВОРИ ШУМОРО ЗИКР НАМОЯМ …». Эммануэл Макрон аз муносиботи котеъонаи Президенти Тоҷикистон дар мубориза бар зидди терроризм ва ҳифзи ҳуқуқи занон истиқбол кард
«ТОҶИКИСТОН ЧОРРОҲАИ ВОҚЕИИ ТАМАДДУН АСТ». Президенти Фаронса Эммануэл Макрон намоишгоҳи археологии кишвари моро дар Париж чунин ҳамин гуна шарҳ дод ва онро «ҳайратангез» номид
Эммануэл Макрон дар саҳифаи Facebook таассуроташро пас аз боздиди Намоиши нигораҳои Тоҷикистон бо забони тоҷикӣ баён дошт
14 октябр — Рӯзи байналмилалии биноӣ. Ҳар шахс бояд дар як сол на камтар аз ду-се маротиба аз ташхиси духтури чашм гузарад
Sputnik: Аврупо ба таҳкими марзи Тоҷикистон ва Афғонистон машғул мешавад
ИМРӮЗ — РӮЗИ УМУМИҶАҲОНИИ МУБОРИЗА БО ФАРБЕҲӢ. Дар Тоҷикистон «Барномаи пешгирии фарбеҳӣ ва ташаккули ғизои солим барои солҳои 2019-2024» қабул гардидааст