Корхонаҳои саноатии Хуҷанд дар семоҳаи аввал ба маблағи 76,7 миллион сомонӣ маҳсулот содир намуданд
ХУҶАНД, 20.04.2021 /АМИТ «Ховар»/. Аз оғози соли равон дар Хуҷанд 6 корхонаи нави истеҳсолӣ ба кор шурӯъ намуда, дар онҳо 92 нафар бо кор таъмин шуданд. Бо ифтитоҳи корхонаҳои нав шумораи умумии онҳо ба 166 адад расид. Барои рушди соҳаи саноати шаҳр беш аз 8 миллион сомонӣ сармоягузориҳои дохилӣ ва хориҷӣ ҷалб карда шудаанд. Дар ин бора ба хабарнигори АМИТ «Ховар» аз Мақомоти иҷроияи ҳокимияти давлатии шаҳри Хуҷанд иттилоъ доданд.
Дар давраи ҳисоботӣ корхонаҳои саноатии Хуҷанд бо 16 кишвари хориҷии наздик ва дур ҳамкорӣ мекарданд. Ҳаҷми содироти маҳсулот 76,7 миллион сомониро ташкил дода, рушди он нисбат ба соли гузашта 14 % зиёд шуд.
Асосан маҳсулоти маргарин, рангҳои молиданӣ ва омехтаҳои минералӣ, либоси варзишӣ, либоси низомӣ, молҳои барқӣ, дару тирезаҳои пластикӣ содир карда шудаанд.
Дар айни ҳол 66 корхонаи хурду бузург ба маблағи 112,8 миллион сомонӣ маҳсулоти ивазкунандаи воридот истеҳсол кардаанд. Аз 117 намуди муҳимтарини маҳсулоти саноатӣ дар моҳҳои январ-март истеҳсоли 65 номгӯйи он зиёд карда шуд.
Маҷмӯан, дар семоҳаи аввали соли 2021 корхонаҳои саноатӣ ба маблағи 318,2 миллион сомонӣ маҳсулот истеҳсол карданд ва рушди ҳаҷми истеҳсоли саноатӣ дар муқоиса бо ҳамин давраи соли 2020 12,2% -ро ташкил намуд.
АКС аз бойгонии АМИТ «Ховар»
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
Татбиқи лоиҳаҳои сармоягузорӣ ва ҷалби сармояи Бонки Осиёии рушд ба иқтисоди Тоҷикистон муҳокима гардид
Ҳамкории Тоҷикистон ва Эрон дар самти рушди иқтисодӣ ва тиҷоратӣ густариш меёбад
Масоили коркарди дубора ва ивази мавод барои кам кардани хатари партовҳои пластикӣ баррасӣ гардид
Вазорати нақлиёти Тоҷикистон оид ба андозаи нави ҷаримаҳо барои вайрон кардани қоидаҳои ҳаракат дар роҳ маълумот медиҳад
Дурнамои ҳамкории иқтисодию тиҷоратии Тоҷикистон ва Эрон муҳокима гардид
Хушкмеваҳои Тоҷикистон дар шаҳри Пензаи Федератсияи Русия талабгори зиёд пайдо намудаанд
Дар Душанбе масъалаҳои марбут ба ҷалби сармояи мустақими Эрон ба иқтисодиёти Тоҷикистон баррасӣ шуданд
Тоҷикистон ва Эрон дар самти густариши ҳамкории саноатӣ ва тиҷоратӣ ба мувофиқа расиданд
Дар Душанбе тақвияти ҳамкории гумрукӣ байни Тоҷикистон ва Узбекистон баррасӣ гардид
Дар ҷаласаи гурӯҳи корӣ масъалаи пешгирии талафот ва истифодаи ғайриқонунии неруи барқ баррасӣ шуд
Ҷаласаи муштараки гурӯҳи корӣ ва муколамаи миллии сиёсӣ оид ба идоракунии захираҳои об баргузор гардид
