Минтақаҳои Россия, ки бо Тоҷикистон тиҷорати фаъол доранд, номбар шуданд

Апрель 14, 2021 12:58

ДУШАНБЕ, 14.04.2021 /АМИТ «Ховар»/.  Намояндаи тиҷоратии Россия дар ҷумҳурӣ Евгений Коренков зимни мусоҳиба бо «Спутник» — и Тоҷикистон дар бораи чӣ гуна рушд ёфтани муносибатҳои тиҷоратӣ байни минтақаҳои Россия ва Тоҷикистон ибрози андеша намуд.

Номбурда зикр кард, ки маҳз ҳамкории байниминтақавӣ як ҷузъи муҳим ва таркибии шарикии стратегии Россия ва Тоҷикистон мебошад.

Масалан, соли 2020 65 субъекти Россия бо Тоҷикистон тиҷорат доштанд. Гузашта аз ин, 77% ҳаҷми умумии муомилоти тиҷорати хориҷӣ ба  12 минтақа рост меояд.

«Дар ҷамъбасти соли 2020 вилояти Свердловск ва шаҳрҳои федералии Москва ва Санкт-Петербург пешсаф буданд», — афзуд  Коренков.

Доираи ҳамкорӣ аз рӯи соҳаҳо хеле васеъ буд: аз саноат то IT-технологияҳо.

Намояндаи тиҷоратии Россия илова кард, ки кишоварзӣ яке аз самтҳои калидии ҳамкорӣ боқӣ мемонад.

Ёдовар мешавем, ки моҳи ноябри соли 2020 Раиси Маҷлиси Миллии Маҷлиси Олии Ҷумҳурии Тоҷикистон Рустами Эмомалӣ ҳангоми мулоқот бо роҳбари Шӯрои Федератсияи Маҷлиси Федералии Россия Валентина Матвиенко дар Москва имконоти ҳамкории минтақавиро муҳокима карда буданд. Рустами Эмомалӣ ҳамкориро дар сатҳи минтақаҳо платформаи муҳим номид.

«Бояд зикр кард, ки тамоюли афзоиши муомилоти мол байни кишварҳо бештар ба густариши иртибототи  минтақавӣ вобастагӣ дорад», — илова карда буд раиси Маҷлиси Миллии Маҷлиси Олии Ҷумҳурии  Тоҷикистон.

Матвиенко зикр кард, ки дар самти робитаҳои байниминтақавӣ муносибатҳои Россия ва Тоҷикистон «начандон бад» рушд мекунанд ва дар сатҳи парлумонӣ дастгирӣ карда мешаванд.

Роҳбари Шӯрои Федератсия ҳамчунин иброз дошт, ки татбиқи созишномаҳоро бояд комиссияи махсуси байнипарлумонӣ бисанҷад ва ҳамкории мушаххас ва амалиро ташвиқ кунад.

                                                АКС аз манбаҳои озод

Апрель 14, 2021 12:58

Хабарҳои дигари ин бахш

Кишоварзони Ҷамоати деҳоти Зиракии шаҳри Кӯлоб кишту кори баҳориро оғоз намуданд
Ширкати Гурӯҳи портҳои Абузабӣ барои таъсиси Маркази логистикию транзитӣ ва содироти молҳо дар Душанбе маблағгузорӣ менамояд
РОҲ НАДОДАН БА ПАҲНШАВИИ МАЛАХ. Ҷаласаи ситоди ҷумҳуриявӣ оид ба муҳофизати зироати кишоварзӣ доир гардид
«Амонатбонк» ва «KazakhExport» ҳамкориро дар самти маблағгузории савдо густариш медиҳанд
Ҳайати Тоҷикистон дар ҷаласаи 55-уми Комиссияи омори Созмони Милали Муттаҳид иштирок дорад
Дар шаҳри Абузабӣ масъалаи ҷалби маблағҳо барои лоиҳаи сохтмони НБО-и «Роғун» баррасӣ гардид
Дар Душанбе дурнамои ҳамкорӣ дар соҳаҳои воқеии иқтисодиёт мавриди баррасӣ қарор гирифт
«Vast Resources PLC» дар оянда корхонаи «Апрелевка» -и Суғдро бо иқтидори пурра ба кор меандозад
Рушди ҳамкории Тоҷикистон ва Туркия дар соҳаи сайёҳӣ тақвият меёбад
Дар Вазорати молияи Тоҷикистон барои маблағгузории лоиҳаи «Таҷдиди зеристгоҳи Суғд-500» созишномаҳо ба имзо расиданд
«ХАТТИ ТАЙЁР». Дар вилояти Суғд техникаҳои кишоварзӣ ба мавсим омода карда мешаванд
«Амонатбонк» ва Институти ҷаҳонии бонкҳои амонатгузорӣ ва чакана муносибатҳои шарикиро дар сатҳи нав қарор медиҳанд