Шабонарӯзи охир дар ҷаҳон зиёда аз 881 ҳазор ҳолати сирояти коронавирус ошкор шуд

ДУШАНБЕ, 22.04.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 881 ҳазор афзоиш ёфта, аз 144,45 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 09:00 (ба вақти Душанбе)-и 22 апрел, ба СУТ дар бораи 144 454 214 сироятшуда ва 3 071 791 фавт маълумот расидааст. Шумораи гирифторони ин беморӣ шабонарӯзи охир 881 026 нафар ва фавтидагон 14 089 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 32 602 051. Баъд аз он Ҳиндустон (15 930 965), Бразилия (14 122 795), Франсия (5 374 288), Россия (4 727 125), Туркия (4 446 591), Британияи Кабир (4 395 703), Италия (3 904 899), Испания (3 446 072), Германия (3 208 672), Аргентина (2 769 552) ва Полша (2 718 493) қарор доранд.

АКС аз Getty Images