Шабонарӯзи охир дар ҷаҳон зиёда аз 885 ҳазор ҳолати сирояти коронавирус ошкор шуд

ДУШАНБЕ, 23.04.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 885 ҳазор афзоиш ёфта, аз 145,34 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 10:30 (ба вақти Душанбе)-и 23 апрел, ба СУТ дар бораи 145 348 552 сироятшуда ва 3 085 391 фавт маълумот расидааст. Шумораи гирифторони ин беморӣ шабонарӯзи охир 885 954 нафар ва фавтидагон 13 491 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 32 669 121. Баъд аз он Ҳиндустон (16 263 695), Бразилия (14 172 139), Франсия (5 408 606), Россия (4 736 121), Туркия (4 501 382), Британияи Кабир (4 398 431), Италия (3 920 945), Испания (3 456 886), Германия (3 238 054), Аргентина (2 796 768) ва Полша (2 731 256) қарор доранд.

АКС аз REUTERS/Lisa Marie David