Шоҳроҳи Турсунзода-сарҳади Ӯзбекистон гулистон мешавад
ТУРСУНЗОДА, 21.04.2021 /АМИТ «Ховар»/. Дар шафати шоҳроҳи Душанбе-Турсунзода-сарҳади Ӯзбекистон гулҳои садбарг, мавсимӣ ва дарахтони ҳамешасабзи ороишӣ шинонида шудаанд. Ҳар як минтақа ба масъулин вогузор гардида, барои рушду нумуи ин гулҳо ва ба гулистон табдил додани ин қисмати шоҳроҳ ҳамарӯза назорати доимӣ бурда мешавад.
Котиби матбуоти раиси шаҳри Турсунзода Фирӯз Холиқов ба хабарнигори АМИТ «Ховар» гуфт, ки имрӯзҳо дар шаҳри Турсунзода дар баробари бунёди иншооти ҷашнӣ инчунин бо мақсади сазовор пешвоз гирифтани ҷашни 30-солагии Истиқлоли давлатӣ ҷиҳати хуррам ва назаррабо гардонидани муҳити атроф корҳои ободонӣ бомаром идома доранд.
Ҳоло дар минтақаҳои гулкории шоҳроҳ, ки онро асосан гулҳои садбарг ороиш медиҳанд, корҳои нармкунии бехи ниҳолҳо ва қаламчаи гули садбарг ҷараён гирифта, минтақаҳои камоб барои сабзиш ва авҷи гулҳо обёрӣ гардида истодаанд.
Сардори шуъбаи ҳифзи муҳити зисти шаҳри Турсунзода Лоиқ Раҳмонов иброз дошт, ки “шаҳри Турсунзода дарвозаи ғарбии мамлакат ба ҳисоб рафта, шаҳроҳи байналмилалӣ давлати моро тавассути Ҷумҳурии Ӯзбекистон бо дигар давлатҳо мепайвандад. Ҳар меҳмоне, ки аз сарҳад гузашта, вориди шаҳри Турсунзода шуд, таассуроти аввалини худро доир ба Тоҷикистон пайдо менамояд. Аз ин лиҳоз, шоҳроҳ инъикосгари ободии шаҳр ва ободии Тоҷикистон арзёбӣ мешавад. Вазифа ва масъулияти ҳар сокини шаҳр аст, ки давлати мо ҳамеша тозаву озода ва намуна бошад, зеро он дарвозаи кишвар аст”.
Аксҳо аз мақомоти иҷроияи ҳокимияти давлатии шаҳри Турсунзода
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
