«Сомон Эйр» парвозҳоро дар масири Душанбе-Тошканд зиёд намуд

Апрель 21, 2021 15:11

ДУШАНБЕ, 21.04.2021 /АМИТ «Ховар»/. Ширкати ҳавопаймоии «Сомон Эйр» парвозҳоро дар хатсайри Душанбе-Тошканд-Душанбе то ду парвоз дар як ҳафта зиёд намуд. Акнун парвозҳо ҳафтае ду маротиба, рӯзҳои душанбе ва ҷумъа иҷро мешаванд. Дар рӯзҳои душанбе вақти парвоз аз Душанбе соати 09:30, аз Тошканд 11:50 ва рӯзҳои ҷумъа аз Душанбе соати 09:20, аз Тошканд 11:20 ба вақти маҳаллӣ муқаррар шудааст, иттилоъ медиҳад ширкати «Сомон Эйр».

Тибқи талаботи нави Ҷумҳурии Ӯзбекистон, кулли мусофирони аз 2-сола боло, ки вориди ин кишвар мешаванд, бояд бо худ маълумотномаи эмин будан аз COVID-19 (PCR-тест), ки давоми 72 соат пеш аз вуруд дода шудааст, дошта бошанд. Маълумотнома бояд бо забони русӣ ё англисӣ пешниҳод карда шавад. Шахсоне, ки маълумотномаашон ба талаботи ҷорӣ ҷавобгӯ нест, ҳамчунин шахсоне, ки нишонаҳои COVID-19 доранд ва ё натиҷаи санҷиши PCR-тесташон мусбат мебошад, ба парвоз роҳ дода намешаванд.

Мусофироне, ки вориди Душанбе мешаванд, бояд бо худ маълумотнома дар бораи мубтало набудан ба COVID-19 — натиҷаи манфии PCR-тестро, ки давоми 72 соат қабл аз вуруд ба Тоҷикистон гирифта шудааст, дошта бошанд. Кӯдакони то 3-сола аз пешниҳоди маълумотномаи мазкур озод мебошанд. Барои шаҳрвандони хориҷӣ, ки аз Тошканд ба Душанбе азми сафар доранд, доштани иҷозатномаи мақомоти ваколатдори Ҷумҳурии Тоҷикистон барои вуруд ба қаламрави Тоҷикистон, раводид (агар лозим бошад) ва маълумотномаи эмин будан аз COVID-19 (натиҷаи манфии PCR-тест), ки давоми 72 соат қабл аз вуруд ба Тоҷикистон пешниҳод гардидааст, зарур мебошад.

Ба шаҳрвандони Ӯзбекистон, ҳамчунин шаҳрвандони Аморати Муттаҳидаи Араб, Туркия, Қазоқистон ва Россия, ки тариқи роҳҳои ҳавоӣ вориди Тоҷикистон мешаванд, иҷозатномаи вурудии мақомоти ваколатдори Тоҷикистон лозим нест. Мусофироне, ки таби баланд ва ё нишонаҳои COVID-19 доранд, ба дохили ҳавопаймо роҳ дода намешаванд. Ҳангоми парвоз ба мусофирон пӯшидани ниқоб ва дастпӯшҳои ҳифозатӣ ҳатмӣ мебошад.

Апрель 21, 2021 15:11

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд