Татбиқи харитаи роҳ ҷиҳати рушди долони иқтисодии «Чимкент — Тошканд — Хуҷанд» баррасӣ шуд

Апрель 22, 2021 09:47

ДУШАНБЕ, 22.04.2021 /АМИТ «Ховар»/. Семинари сеюми минтақавии маҷозӣ оид ба татбиқи харитаи роҳ ҷиҳати рушди долони иқтисодии «Чимкент — Тошканд — Хуҷанд» дар шакли видеоконфронс таҳти роҳбарии муовини Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода баргузор гардид, иттилоъ медиҳад Вазорати рушди иқтисод.

Дар машварат намояндагони Бонки Осиёии Рушд (БОР), роҳбарони вазорату идораҳои кишварҳои иштироккунандаи долони иқтисодӣ, инчунин намояндагони бахши хусусӣ ширкат варзиданд.

Абдураҳмон Абдураҳмонзода дар бораи ҳолати кунунии вазъи тиҷоративу иқтисодии кишвар, дастовардҳои Тоҷикистон дар соҳаи савдои байналмилалӣ дар доираи дастуру фармонҳои Президенти Ҷумҳурии Тоҷикистон муҳтарам Эмомалӣ Раҳмон ва тадбирҳои андешидаи Ҳукумати Ҷумҳурии Тоҷикистон ҷиҳати пешгирии пайомадҳои манфии пандемияи COVID-19 сухан гуфт.

Дар бораи лоиҳаи БОР «Долони иқтисодии байни Чимкент, Тошканд ва Хуҷанд», ки татбиқи он идома дорад, маълумот пешниҳод карда шуд.

Мутобиқи лоиҳа, татбиқи кумаки техникӣ ба анҷом расида,  ҷиҳати рушди ин долони иқтисодӣ харитаи роҳ тартиб дода шудааст.

Лоиҳа ба рушди ҳамкории фаромарзии иқтисодӣ, рушди минтақаҳои наздисарҳадӣ ва хидматрасонии тиҷоратӣ — логистикӣ дар минтақаи Осиёи Марказӣ мусоидат хоҳад кард.

АКС: Вазорати рушди иқтисод ва савдои ҶТ

Апрель 22, 2021 09:47

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид