Якчанд ҷамоатҳои деҳоти Истаравшан дар нахустин рӯз нақшаи даъвати ҳарбиро иҷро намуданд

Апрель 1, 2021 13:23

ДУШАНБЕ, 01.04.2021. /АМИТ «Ховар»/. Имрӯз дар шаҳри Истаравшан 50 нафар наваскарони ихтиёрӣ барои хизмат ба сафи Қувваҳои муссал сафарбар шуданд.

Тавре ба АМИТ «Ховар» аз дафтари матбуоти Раиси шаҳри Истаравшан хабар доданд, маросими гусел дар майдони «Нишони давлатӣ»-и шаҳр бо иштироки Раиси шаҳри Истаравшан Адҳам Маъмурзода, намояндагони сохторҳои қудратӣ, наваскарони ихтиёрӣ ва волидайни онҳо, инчунин собиқадорону фаъолон сурат гирифт.

Раиси шаҳри Истаравшан Адҳам Маъмурзода нахуст навдаъватшудагони ихтиёриро бо дохил шудан ба сафи Қувваҳои мусаллаҳи Ҷумҳурии Тоҷикистон шодбош гуфта, зикр намуд, ки ин лаҳза, барои мо дар ҳақиқат фараҳбахш ва фаромўшнопазир аст. Боиси ифтихор ва қаноатмандист, ки имрӯз дар шароити сулҳу субот ва оромиву осмони мусаффои кишварамон 150 нафар ҷавонон бо пайравӣ ба падарону бобоёни шўҳратёри худ, бо амри дил ва ҳисси ватандўстона ихтиёран барои ба сафҳои Артиши Миллӣ сафарбар гардидан омода мебошанд.

Раиси шаҳр ба падарону модарони даъватшудагон барои тарбияи чунин фарзандони нексиришт изҳори миннатдорӣ намуд.

Дар ин маросим роҳбарият ва сокинони ҷамоатҳои деҳоти Сабристон, Ниҷонӣ, Зарҳалол ва Чорбоғ, ки дар нахустин рӯз нақшаи даъвати ҳарбиро пеш аз муҳлат сарбаландона иҷро намуданд, барои баланд бардоштани ҳисси ватандӯстӣ бо сипоснома ва тӯҳфаи хотиравии мақомоти иҷроияи ҳокимияти давлатии шаҳр қадрдонӣ шуданд.

Сержанти қисми ҳарбии қӯшунҳои сарҳадии КДАМ ҶТ Мастонзода Додхудо дар назди ҳозирин баромад намуда, изҳор дошт, ки имрузҳо бо дастгирии Асосгузори сулҳу ваҳдати миллӣ – Пешвои миллат, Сарфармондеҳи Олии Қувваҳои муссаллаҳи Ҷумҳурии Тоҷикистон муҳтарам Эмомалӣ Раҳмон шароитҳои хизмати ҳарбӣ рӯз то рӯз хубтару беҳтар гардида, барои сарбозон тамоми шароитҳои мусоид фароҳам оварда шудааст. «Аз фурсати муносиб истифода намуда, аз ҷавонони шуҷои шаҳри Истаравшан даъват ба амал меорам, ки ғамхориҳои пайвастаи давлату ҳукуматро нисбат ба сарбозон ба назар гирифта, барои ҳифзи марзу буми ватани соҳибистиқлоламон Тоҷикистони азиз сарбаландона камари ҳиммат банданд», — илова намуд ӯ.

АКС: Мақомоти иҷроияи ҳокимияти давлатии  ш. Истаравшан

Апрель 1, 2021 13:23

Хабарҳои дигари ин бахш

«ФАЙЗУ ОБОДИВУ СЕРӢ РӮИ ХОН ОМАД, МЕҲРГОН ОМАД!..». Илҳоми Шоири халқии Тоҷикистон Камол Насрулло аз меҳрафшонию фаровонии ин иди қадимаи ниёгон
Шабонарӯзи охир дар Тоҷикистон ягон ҳолати нави гирифторшавӣ ба COVID-19 ба қайд гирифта нашуд
Шабонарӯзи охир дар Тоҷикистон ду ҳолати нави гирифторшавӣ ба COVID-19 ба қайд гирифта шуд
Президенти Тоҷикистон Эмомалӣ Раҳмон аз таҳдиди ҷиддӣ ба кишварҳои ИДМ аз сӯи Афғонистон ҳушдор доданд
Коршиноси АМИТ «Ховар» Иттиҳоди Аврупо ва Тоҷикистонро кафилони амнияти Авруосиё арзёбӣ намуд
МУАРРИФИИ МУВАФФАҚОНА. Андешаҳои Директори Маркази тадқиқоти стратегӣ роҷеъ ба сафари Президенти Ҷумҳурии Тоҷикистон ба Аврупо
«МЕХОҲАМ МАВҚЕИ УСТУВОРИ ШУМОРО ЗИКР НАМОЯМ …». Эммануэл Макрон аз муносиботи котеъонаи Президенти Тоҷикистон дар мубориза бар зидди терроризм ва ҳифзи ҳуқуқи занон истиқбол кард
«ТОҶИКИСТОН ЧОРРОҲАИ ВОҚЕИИ ТАМАДДУН АСТ». Президенти Фаронса Эммануэл Макрон намоишгоҳи археологии кишвари моро дар Париж чунин ҳамин гуна шарҳ дод ва онро «ҳайратангез» номид
Эммануэл Макрон дар саҳифаи Facebook таассуроташро пас аз боздиди Намоиши нигораҳои Тоҷикистон бо забони тоҷикӣ баён дошт
14 октябр — Рӯзи байналмилалии биноӣ. Ҳар шахс бояд дар як сол на камтар аз ду-се маротиба аз ташхиси духтури чашм гузарад
Sputnik: Аврупо ба таҳкими марзи Тоҷикистон ва Афғонистон машғул мешавад
ИМРӮЗ — РӮЗИ УМУМИҶАҲОНИИ МУБОРИЗА БО ФАРБЕҲӢ. Дар Тоҷикистон «Барномаи пешгирии фарбеҳӣ ва ташаккули ғизои солим барои солҳои 2019-2024» қабул гардидааст