1 июн дар Боғи «Устод Рӯдакӣ»-и пойтахт намоиш-фурӯши китобҳои тозанашр доир мегардад
ДУШАНБЕ, 31.05.2021 /АМИТ «Ховар»/. 1 июни соли равон, соати 16:00 дар Боғи «Устод Рӯдакӣ»-и пойтахт бо ташаббуси Муассисаи нашриявии «Адиб» бахшида ба ҷашни 30-солагии Истиқлоли давлатии Тоҷикистон ва Рӯзи байналмилалии ҳифзи кӯдакон намоиш-фурӯши китобҳои тозанашр доир мегардад. Дар ин маъракаи фарҳангӣ вакилони Маҷлиси намояндагони Маҷлиси Олии Ҷумҳурии Тоҷикистон, Маҷлиси вакилони халқи шаҳри Душанбе ва дигар кормандони идораву муассисаҳо иштирок мекунанд.
Тавре аз Нашриёти «Адиб» ба АМИТ «Ховар» хабар доданд, дар намоиш-фурӯши мазкур китобҳои тозанашре, ки Муассисаи нашриявии «Адиб» аз ҳисоби Фонди захиравии Президенти Ҷумҳурии Тоҷикистон ба нашр расонидааст, ҷилдҳои 39, 40, 41 ва 42-и «Наводир-ул-вақоеъ»-и Аҳмади Дониш, «Мунтахабот»-и Садриддин Айнӣ, «Мунтахаби осор»-и Абулқосим Лоҳутӣ, осори Муҳаммад Иқбол бо номи «Чароғи лола», Абдулҳамид Самад — «Шаҳсутун», Лоиқ Шералӣ — «Дасти дуои модар», «Ҷаҳони маънавии Чингиз Айматов», «Кӯҳсоро, Кӯҳзод»-и Абдуғаффор Абдуҷаббор, «Парвона зинда аст»-и Озарахш, «Арғунуни офтоб»-и Фарзона, «Оини ноз»-и Шоҳона, «Дафтари рубоӣ»-и Муҳтарам Ҳотам, «Шеър чист? Шоир кист?»-и Камол Насрулло, «Ҳазор байт»-и Рустам Ваҳҳоб, «Оҳи ашк»-и Муҳаммад Иқбол, Сад соли танҳоӣ»-и Габриэл Гарсио Маркес дар тарҷумаи Абдуғаффор Абдуҷаббор, асарҳои ба тозагӣ нашршудаи шоирони маҳбуби тоҷик Камол Насрулло, Низом Қосим, Муҳаммад Ғоиб, Фарзона, Озарахш, Озар, ҳашт ҷилди навбатии силсилаи 50-ҷилдаи «Ахтарони адаб» ва дигар асарҳои шоирону нависандагони тоҷик ва адабиёти ҷаҳон пешниҳоди дӯстдорони китоб гардонида мешавад.
Чун аънана дар ин намоиш-фурӯш низ шоирону нависандагони маъруфти тоҷик иштирок намуда, ба китобҳои харидаи иштирокдорон соядаст мегузоранд.
Ёдовар мешавем, ки соли сеюм аст, ки дар мамлакат аз ҷониби Нашриёти «Адиб» намоиш-фурӯши китоб гузаронида мешавад. Роҳбарияти нашриёт тасмим гирифтааст, чунин намоиш-фурӯшро дар тамоми минтақаҳои мамлакат доир ва тавассути он тамоми мардуми ҷумҳуриро бо китоб таъмин намояд.
Акс аз бойгонии АМИТ «Ховар»
Филмҳои таҳиянамудаи «Тоҷикфилм» соҳиби 20 ҷоизаи байналмилалӣ гардиданд
Дар Теҳрон дар мавзуи «Мероси адабии Рӯдакӣ» нишасти илмию адабӣ баргузор гардид
«ФЕҲРИСТИ НОМҲОИ МИЛЛИИ ТОҶИКӢ». Кумитаи забон ва истилоҳот ба 330 муроҷиаткунанда барои номгузории фарзандон хулосаи рад дод
НИШАСТИ МАТБУОТӢ. Соли 2024 дар асоси Барномаи рушди кино 17 филм наворбардорӣ гардид
Таълимгирандагони «Ворисони Куруши Кабир» дар Осорхонаи миллӣ бо таъриху тамаддуни тоҷикон шинос шуданд
Дар Тоҷикистон азнавбақайдгирии ёдгориҳои мероси таърихию фарҳангӣ оғоз шуд
АРҒУШТИ СИТОРАГОН БУВАД ДАР ЧАКАНАТ. Чаро баъзе аз духтарон дар пӯшидани либос ба фарҳанги бегона рӯ меоранд?
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҶАШНИ САДА НИЗ БАЙНАЛМИЛАЛӢ ШАВАД. Пешниҳоди академики Академияи миллии илмҳои Тоҷикистон Фарҳод Раҳимӣ дар ин мавзуъ
«САДА ОМАД, КИ ТУРО МУЖДА ДИҲАД АЗ НАВРӮЗ». Дар Душанбе ҷашни Сада бо намоиши тухмии зироати кишоварзӣ оғоз гардид
«САДА-ПАРТАВИ ХУРШЕДИИ ИСТИҚЛОЛ». Дар Осорхонаи миллии Тоҷикистон бахшида ба он конфронси ҷумҳуриявӣ доир шуд
ҶАШНИ САДА ДАР ДЕВАШТИЧ. Он бо риояи суннатҳои аҷдодӣ ва шукуҳу шаҳомати хосса таҷлил шуд
