ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. ҶДММ «Таъмиркор» дар Ховалинг муассисаи таълимӣ бунёд мекунад
ХОВАЛИНГ, 16.05.2021 /АМИТ «Ховар»/. Дар деҳаи Тутаки Ҷамоати деҳоти ба номи Ғаффор Мирзои ноҳияи Ховалинг аз ҷониби ҶДММ «Таъмиркор» сохтмони муассисаи таълимӣ бо ҷалби сохтмончиёни маҳаллӣ ҷараён дорад. Бинои мактаб аз ду ошёна иборат буда, дар он 11 синфхона ва ду утоқи корӣ ҷойгир мебошанд. Баъди ба истифода додани он 480 нафар хонандагон дар ду баст ба таълим фаро гирифта мешаванд.
Имрӯзҳо баҳри истиқболи сазовори 30-солагии Истиқлоли давлатии Ҷумҳурии Тоҷикистон дар ноҳияи баландкӯҳи Ховалинг чун дар дигар шаҳру ноҳияҳои мамлакат сокинон бо ҳисси баланди ватандӯстӣ ба корҳои ободонию созандагӣ вусъати тоза мебахшанд. Дар ин замина сохтмони якчанд иншооти таъйиноти гуногун дар маркази шаҳрак ва деҳоти ноҳия бомаром идома дорад.
Тавре сохтмончӣ Хайрулло Давлатов ба хабарнигори АМИТ “Ховар” иттилоъ дод, ҳоло аз ҷониби соҳибкори ватанӣ корҳои сохтмонӣ дар бинои чойхонаи миллӣ дар маркази шаҳрак бо ҷалби мутахассисони маҳаллӣ оғоз гардидаанд. Айни замон сохтмончиён бо дастрас намудани маҳсулоти хушсифати ватанӣ корҳои омодасозии таҳкурсии биноро идома дода истодаанд. Дар ин иншоот 14 нафар коргарон фаъолият мекунанд. Дар дигар иншооти ҷашнӣ низ корҳои сохтмонӣ вусъати тоза ёфтаанд.
Сармеъмори ноҳияи Ховалинг Иноятулло Ҳоҷизода гуфт, ки имрӯзҳо дар ноҳия дар баробари пешбурди сохтмони иншоот корҳои тозаю озода намудани кӯчаю маҳаллаҳо, шинонидани ниҳолҳои ороишию сояафкан ва гулу буттаҳо идома дошта, сокинон мақсад доранд ҷашни бузурги миллӣ-30-солагии Истиқлоли давлатиро бо натиҷаҳои назаррас таҷлил намоянд.
35-СОЛАГИИ ИСТИҚЛОЛИ ДАВЛАТӢ. Дар Хатлон 1411 иншоот ба истифода дода шуд
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
НИШАСТИ МАТБУОТӢ. Нақшаи воридоти андозҳо ва дигар пардохтҳои ҳатмӣ ба андозаи 113,7 фоиз иҷро гардид
