ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. То ҷашни 30-солагии Истиқлоли давлатӣ қитъаи роҳи Шкев-Қалъаихум ба истифода дода мешавад
ХОРУҒ, 28.05.2021. /АМИТ «Ховар»/. Дар қитъаи роҳи Шкев-Қалъаихум 90 фоизи корҳои таҷдиду таъмир анҷом ёфта, рӯзҳои наздик мумфаршкунии қабати дуюм низ ба охир мерасад. Ҳоло дар ин қитъаи роҳ 82 адад техникаву механизмҳои пуриқтидори роҳсозӣ машғули коранд. Мутобиқи лоиҳа, дарозии роҳ 25 километру 640 метр буда, дар асоси меъёрҳои роҳсозии байналмилалӣ сохта мешавад.
Тавре мухбири минтақавии АМИТ «Ховар» дар Вилояти Мухтори Кӯҳистони Бадахшон хабар медиҳад, барои бунёди ин қитъаи роҳ аз тарафи Ҳукумати Ҷумҳурии Тоҷикистон ва Бонки исломии рушд 3 млн 271 ҳазору 549 доллари амрикоӣ ҷудо шудааст.
Ба гуфтаи муҳандиси роҳсоз Муҳаммадҷон Ширинҷонов, “ҷараёни сохтмони роҳро Ширкати машваратчӣ бо ҷалби мутахассисони соҳибтаҷриба аз кишварҳои Чин, Корея ва Арабистон назорат мебарад. Ба бунёди роҳ ҳоло 409 нафар мутахассисони соҳаи роҳсозӣ ва коргарони гуногункасб ҷалб шудаанд, ки 374 нафари онҳо сокинони маҳаллӣ мебошанд. Ҷалби сокинони маҳаллӣ ба кор агар аз як сӯ сатҳи бекориро дар ноҳия коҳиш диҳад, аз сӯи дигар онҳо дар ҷараёни кор лаёқату маҳорати касбии худро сайқал дода, дар оянда дар дигар қитъаҳои ин роҳи байналмилалӣ низ ба кор ҷалб мешаванд”.
Ин қитъаи роҳ аз ду хати ҳаракат иборат буда, паҳноии умумиаш 12 метр аст, ки 7 метри он мумфарш карда мешавад. Дар баробари ин дар яке аз мавзеъҳои хатарзо ба масофаи 300 метр нақб ва дар мавзеи дигар пули мошингузар бунёд мегардад.
Қитъаи роҳи Шкев-Қалъаихум дар арафаи 30-солагии Истиқлоли давлатии Ҷумҳурии Тоҷикистон ба истифода дода шуда, аз моҳи сентябр таъмиру навсозии қитъаи роҳи Қалъаихум-Ванҷ оғоз меёбад.
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
Сарвари давлат Эмомалӣ Раҳмон дар шаҳри Хоруғ китобхонаи кӯдаконаи вилоятӣ, китобхонаи шаҳрии ба номи Ҳофизи Шерозӣ ва Маркази рушди зеҳни сунъиро ифтитоҳ намуданд
Пешвои миллат Эмомалӣ Раҳмон дар шаҳри Хоруғ Маркази фарҳангӣ, савдо ва Шурои иттифоқҳои касабаи вилоятро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ чойхонаи Хатлонро ба истифода доданд
Сарвари давлат Эмомалӣ Раҳмон дар шаҳри Хоруғ пули мошингузарро мавриди баҳрабардорӣ қарор доданд
Пешвои миллат Эмомалӣ Раҳмон бинои маъмурии Мақомоти иҷроияи ҳокимияти давлатии шаҳри Хоруғро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 3,7 км роҳ, 550 метр долони зидди тарма ва пули мошингузарро дар деҳаи Барсеми ноҳияи Шуғнон ба истифода доданд
Сарвари давлат Эмомалӣ Раҳмон дар шаҳри Хоруғ бино ва озмоишгоҳи Муассисаи давлатии нигаҳдории роҳҳои мошингарди Вилояти Мухтори Кӯҳистони Бадахшонро ифтитоҳ намуданд
Cуханронии Президенти Ҷумҳурии Тоҷикистон, Пешвои миллат Эмомалӣ Раҳмон дар мулоқот бо роҳбарон ва фаъолони ноҳияи Шуғнон
