Анҷумани умумиҷаҳонии ваксинаҳо Moderna-ро чун ваксинаи беҳтарини зидди коронавирус эътироф кард
ДУШАНБЕ, 06.05.2021 /АМИТ «Ховар»/. Коршиносони Анҷумани умумиҷаҳонии ваксинаҳо — 2021, ки бо сабаби пандемия дар шакли онлайн сурат мегирад, беҳтарин ваксинаи зидди коронавирусро номбар карданд. Дар ин бора дар сомонаи чорабинӣ маълумот дода шудааст, хабар медиҳад АМИТ «Ховар».
Дар анҷуман доруи ширкати амрикоии Moderna дар бахши «Ваксинаи беҳтарин бар зидди COVID» ғолиб дониста шуд.
Ваксинаи русии «Спутник V» ва доруи ширкати бритониёӣ- шведии «AstraZeneca» шомили рӯйхати кӯтоҳи ин номина шуданд.
Зикр карда мешавад, ки ваксинаи консорсиуми амрикоӣ – немисии Pfizer ва BioNTech «сазовори баҳои хеле баланд гардид».
Дар бораи он ки ғолиб ва финалистҳо мутобиқи кадом усул интихоб шудаанд, хабар дода нашудааст.
Пештар Созмони умумиҷаҳонии тандурустӣ (СУТ) ваксинаи зиддикоронавирусии коркарди ширкати биотехнологии амрикоии Moderna -ро ба рӯйхати доруҳо барои истифода дар ҳолатҳои фавқулода дохил карда буд. Ба ҳамин тартиб, Moderna панҷумин ваксинаи зидди коронавирус мебошад, ки созмон онро таъҷилан тасдиқ кардааст. Коршиносони СУТ истифодаи ваксинаро барои беморони аз 18-сола боло тавсия медиҳанд.
Ихтироъкунандаи ваксинаи хеле самараноки зидди COVID-19 (94,5% самаранокӣ) Moderna гуфт, ки ширкат ин доруро дар муддати ду рӯз сохтааст. Гузашта аз ин, ин кор ҳанӯз моҳи январи соли 2020, «вақте ки ҷаҳон нав дар бораи коронавирус маълумот пайдо мекард», сурат гирифта буд.
Чунин суръати коркард бо кумаки технологияи фиристонандаи РНК (туршии рибонуклеинат) имконпазир гардид — маҳз ба ҳамин Moderna аз замони таъсиси ширкат такя мекунад, овардааст суханони намояндагони истеҳсолкунандаро «Business Insider». Хулоса карда гӯем, фиристандаи РНК аслан маводи генетикӣ аст ва ба ҳуҷайраҳо чӣ гуна истеҳсол кардани сафедаҳои лозимаро хабар медиҳад.
Масалан, ваксинаи Moderna организмро барои коркарди сафедаи васлкунандаи бофтаҳо водор мекунад. Бо кумаки он инсон вокуниши эминиро дар муқобили COVID-19 бомуваффақият коркард мекунад. Дар омади гап, ваксинаи истеҳсолкунандаи дигар — «Pfizer» тибқи ҳамин гуна модели шабеҳ кор мекунад.
АКС аз манбаъҳои бооз
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
