Бар асари фаромадани ярч дар ноҳияи Деваштич 5 нафар ба ҳалокат расидаанд

Май 18, 2021 14:20

ДУШАНБЕ, 18.05.2021 /АМИТ «Ховар»/. Дар натиҷаи фаромадани ярч дар ноҳияи Деваштичи вилояти Суғд панҷ нафар ҳалок гардид, ки яке аз онҳо тифли яксола буд. Ин ҳодиса 17 май дар деҳаи Дархони Ҷамоати деҳоти  Исмоили Сомонии ноҳияи Деваштич рух дод.

Дар ин бора аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба АМИТ «Ховар» хабар доданд.

Раёсати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд хабар медиҳад, ки ҳодиса хеле ногаҳонӣ буда, сабаби он  бунёди боғ дар теппаи болои  хона гуфта шудааст.

Манбаъ хабар медиҳад, ки соҳиби боғ дар теппаи паси хонаи худ ниҳолҳо шинонида, сабз кардаву қоидаҳои бехатарӣ ва агрономии обёриро риоя накардааст. Оби зиёд тадриҷан заминро нарм кардаву теппа лағжидааст.

Дар натиҷа соҳиби хона — модари хонадон бо ду фарзандаш, ки яке 11 ва дуюмӣ 10 сол доштаанд, зери лой мондаанд.

Ярч ҳамчунин хонаи ҳамсояи онҳоро низ зер кардааст ва зани ҷавони 21-сола ҳамроҳ бо фарзанди ширхори яксолааш зери лой мондаву ҳалок шудаанд.

Ҳамсояҳо ба зудӣ ҷасадҳоро аз зери лой берун овардаанд. Ҳарчанд сабаби рониши замин обёрии ғайриқоидавии боғ унвон мешавад, вале мақомот иллатҳои аслии онро мавриди санҷишу тафтиш қарор додаанд.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба хонаводаи ҳалокшудагон изҳори тасаллият мекунад.

Ҳамзамон аз шаҳрвандон хоҳиш мекунад зимни амалӣ кардани тарҳҳои бунёдкории худ бо мутахассисон маслиҳату машварат намоянд ва барои таъмини амнияту бехатарии худ сари вақт тадбирҳо андешанд.

КҲФ: Аксҳо аз ҷойи ҳодиса

Май 18, 2021 14:20

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд