Дар Душанбе ҳамоиши доираҳои тиҷоратӣ ва соҳибкории Тоҷикистон ва Қазоқистон баргузор шуд
ДУШАНБЕ, 17.05.2021 /АМИТ «Ховар»/. Қазоқистон яке аз шарикони калидии стратегӣ ва иқтисодию тиҷоратии Тоҷикистон буда, дар савдои хориҷии Тоҷикистон баъд аз Россия мақоми дуюм касб менамояд. Чунин гуфта шуд дар ҳамоиши доираҳои тиҷоратӣ ва соҳибкории Тоҷикистон ва Қазоқистон, ки имрӯз дар шаҳри Душанбе доир гардид.
Хабарнигори АМИТ «Ховар» Марзия САИДЗОДА хабар медиҳад, ки ҳамоиши доираҳои тиҷоратии Тоҷикистон ва Қазоқистон бо ибтикори Палатаи савдо ва саноати Ҷумҳурии Тоҷикистон ва Ҷамъияти саҳомии «Qaztrade»-и Қазоқистон баргузор гардида, дар он намояндагони доираҳои тиҷоратии ҳарду кишвар иштирок намуданд.
Раиси Палатаи савдо ва саноати Тоҷикистон Ҷамшед Ҷумъахонзода ва мудири кулли Ҷамъияти саҳомии «Qaztrade»-и Қазоқистон Азамат Аскарулӣ доир ба ҳамкории иқтисодию тиҷоратии Тоҷикистон ва Қазоқистон сухан карда, тақвияти ҳамкории иқтисодии ду давлати дӯстро самараи неки равобити мутақобилан судманди Тоҷикистон ва Қазоқистон дар партави иродаи сиёсии Сарони ҳарду давлат арзёбӣ намуданд.
Таъкид гардид, ки соли гузашта табодули мол байни Тоҷикистон ва Қазоқистон беш аз 900 миллион доллари амрикоиро ташкил дод, ки 152,2 миллион доллар ба содирот ва 757,5 миллион доллар ба воридот рост меояд. Тоҷикистон ба Қазоқистон асосан маъданҳо ва консентратҳо, сабзавоту мева ва хушкмева содирот намуда, аз Қазоқистон ба Тоҷикистон маҳсулоти нафтӣ, аз ҷумла сӯзишворӣ, металлҳои сиёҳ, ғалла, орд ва равғани растанӣ ворид карда мешаванд. Инчунин бо ҷалби сармояи Қазоқистон дар Тоҷикистон 100 корхона фаъолият менамояд.
Таъкид гардид, ки ҳоло байни ду давлат имконияти истифоданашуда дар бахшҳои иқтисоду тиҷорат зиёд буда, баргузории ҳамоиши доираҳои соҳибкорию тиҷоратӣ барои таҳкими робитаҳои иқтисодӣ ва истифодаи самараноки иқтидори мавҷуда замина фароҳам меорад.
Дар ҷараёни ҳамоиш доираҳои тиҷоратии ҳарду кишвар маҷмӯи масъалаҳои мубрами тақвияти ҳамкории иқтисодию тиҷоратии Тоҷикистон ва Қазоқистонро баррасӣ намуда, ҳамзамон имконоти сармоягузории ҳарду давлатро муаррифӣ намуданд. Инчунин мулоқоти доираҳои соҳибкорию тиҷоратии Тоҷикистон ва Қазоқистон дар шакли «В2В» доир гардид.
Интизор меравад, ки дар доираи баргузории ҳамоиши доираҳои тиҷоратии Тоҷикистон ва Қазоқистон меморандуми ҳамкорӣ байни корхонаю ширкатҳои ҳарду давлат ба имзо расонида шавад, ки маблағи умумии он 10 миллион доллари амрикоиро ташкил дода, ба тақвияти ҳамкории иқтисодии Тоҷикистон ва Қазоқистон мусоидат менамояд.
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
НИШАСТИ МАТБУОТӢ. Нақшаи воридоти андозҳо ва дигар пардохтҳои ҳатмӣ ба андозаи 113,7 фоиз иҷро гардид
