Барои сокинони аз офати табиӣ зарардидаи ноҳияи Вахш хаймаҳои истиқоматӣ омода гардиданд

Май 14, 2021 11:02

ДУШАНБЕ, 14.05.2021 /АМИТ «Ховар»/.  Дар деҳаи Иттифоқи Ҷамоати деҳои «20-солагии Истиқлолият»-и ноҳияи Вахш 30 хайма барои зарардидагон, инчунин кормандони мақомоти ҳифзи ҳуқуқ ва табибон омода  гардида истидаанд. Дар ин бора ба хабарнигори АМИТ «Ховар» аз шуъбаи иттилотӣ-таҳлилии дастгоҳи Раиси вилояти Хатлон хабар доданд.

Ҳамчунин дар маконҳои зарардидаи ноҳияи беш аз 50 нафар сарбозони қисми низомии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба корҳои бартарафсозии оқибатҳои офати табиӣ ҷалб гардидаанд. Хаймаҳо бо барқ ва маҳалла бо оби нӯшокӣ таъмин мебошанд.

Ёдовар мешавем, ки бар асари сели шаби 11 май дар деҳаи Иттифоқи ноҳияи Вахш якчанд манзили зист пурра хароб гардида, заминҳои наздиҳавлигӣ, иншооти ёрирасон, майдонҳои кишт аз лой пур шуданд.

13 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо раиси ноҳияи Вахши вилояти Хатлон Қурбоналӣ Юсупов суҳбати телефонӣ анҷом доданд.

Раиси ноҳияи Вахш ба Пешвои миллат муҳтарам Эмомалӣ Раҳмон доир ба тадбирҳои бартарафсозии оқибатҳои офатҳои табиӣ ҳисобот дод.

Бо дастури Сарвари давлат муҳтарам Эмомалӣ Раҳмон гурӯҳи корӣ бо роҳбарии муовини Сарвазири Ҷумҳурии Тоҷикистон Давлатшоҳ Гулмаҳмадзода ва роҳбарони дигар сохторҳои марбута ҷиҳати муайян кардани хисороти ба хоҷагии халқи ин ноҳия расида ва бартараф намудани оқибатҳои офатҳои табиӣ сафарбар гардид.

Сарвари давлат муҳтарам Эмомалӣ Раҳмон раиси ноҳияи Вахшро вазифадор намуданд, ки ба мардуми зарардида кумакҳои саривақтӣ расонанд ва ҳарчи зудтар манзилҳои истиқоматӣ ва дигар иншооти харобгардидаро барқарор намоянд.

Аксҳо аз шуъбаи иттилотӣ-таҳлилии дастгоҳи Раиси вилояти Хатлон

Май 14, 2021 11:02

Хабарҳои дигари ин бахш

Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд