Бо дастгирии Ҳукумати Тоҷикистон ба ноҳияи Сангвор 50 тонна тухмии картошка ворид карда шуд

Май 8, 2021 09:50

САНГВОР, 08.05.2021 /АМИТ «Ховар»/. Мақомоти иҷроияи ҳокимияти давлатии ноҳияи Сангвор ҷиҳати иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон аз 29 апрели соли 2021 дар  маҷлиси  Ҳукумати Ҷумҳурии Тоҷикистон доир ба истифодаи оқилона ва самараноки заминҳои корами наздиҳавлигию хоҷагиҳои деҳқонӣ, вусъат додани кишти зироати кишоварзӣ ва истеҳсоли ҳарчи бештари маҳсулоти кишоварзӣ  тадбирҳои амалӣ андешида истодааст.

Сардори шуъбаи кишоварзии ноҳияи Сангвор Маҳмадҷон Пирназаров изҳор намуд, ки мувофиқи  нақшаи дурнамо,  соли 2021 дар ҳамаи шаклҳои хоҷагидории ноҳия дар майдони 1540 гектар ғалладонагӣ, 890 гектар картошка, 214 гектар сабзавот, 4 гектар полезӣ, 50 гектар зағир ва 52 гектар хӯроки чорво кишт мешавад. Хушбахтона, кишти картошка дар ноҳия бо маром ҷараён дошта, то имрӯз дар заминҳои наздиҳавлигии аҳолӣ 130 гектар ва дар заминҳои хоҷагиҳои деҳқониву ҷамоавӣ  372 гектар картошкаи босифат кишт карда шудааст. Барои сари вақт гузаронидани кишти картошка  ва дигар зироат дар ҳудуди ноҳия 41 адад техникаҳои кишоварзӣ  машғули кор мебошанд.

Дар ноҳияи Сангвор захираи тухмии картошка барои кишти соли 2021 дар хоҷагиҳои кишоварзии ноҳия 2200 тоннаро ташкил дода, бо дастгирии Ҳукумати Ҷумҳурии Тоҷикистон 50 тонна картошкаи навъҳои “Манифест” ва “Янка”  аз Ҷумҳурии Беларус  ва тариқи соҳибкорони маҳаллӣ зиёда аз 100 тонна тухмии хушсифат ба ноҳия ворид карда шудаанд, ки талаботи  картошкапарварони ноҳияро қонеъ мегардонад.

Дар асоси ҳисоботи оморӣ, кишоварзони ноҳия бо истифода аз ҳавои мусоид аз аввали мавсими кишту кори зироати баҳорӣ то 5 май кишти ғалладонагиҳоро 100 %, картошка 58 %, сабзавот 67 %, зағир 101 % ва хӯроки чорворо  102 % иҷро намудаанд. Ҳоло кишти картошка дар заминҳои корами обӣ муташаккилона идома дорад.

Заминҳои корами обии ноҳияи Сангвор 1753 гектарро ташкил дода, тариқи 11 шабакаи худҷорӣ обёрӣ карда мешаванд. Соли ҷорӣ аз тарафи идораи беҳдошти замин ва обёрии ноҳия  ва хоҷагидорон барои обёрии 850 гектар шартнома баста шудааст. Барои сари вақт бо оби полезӣ таъмин намудани заминҳои корами обӣ дар ноҳия корҳои тозакунии каналҳо идома доранд.

Акс аз Мақомоти иҷроияи ҳокимияти давлатии Сангвор

Май 8, 2021 09:50

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст