Дар Осорхонаи миллии Тоҷикистон масъалаҳои муҳими илмӣ дар асарҳои занон-олимони тоҷик баррасӣ шуданд
ДУШАНБЕ, 27.05.2021. /АМИТ «Ховар»/. Бахшида ба ҷашни 30-солагии Истиқлоли давлатии Ҷумҳурии Тоҷикистон имрӯз бо ташаббуси Муассисаи давлатии «Осорхонаи миллии Тоҷикистон» дар якҷоягӣ бо Донишгоҳи миллии Тоҷикистон дар мавзӯи «Инъикоси масъалаҳои мубрами илмӣ дар асарҳои занон-олимони ҷумҳурӣ» Конфронси илмӣ — назариявии ҷумҳуриявӣ баргузор шуд.
Дар кори конфронс директори Осорхонаи миллии Тоҷикистон Аҳлиддин Ибодуллозода, муовини ректори Донишгоҳи миллии Тоҷикистон Ҷамила Раҳмонзода, ректори Донишгоҳи давлатии омӯзгории Тоҷикистон ба номи С. Айнӣ Нӯъмонҷон Ғаффорӣ ва устодону профессорони донишгоҳу донишкадаҳои олии мамлакат иштирок ва суханронӣ намуданд.
Тавре сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев ба АМИТ «Ховар» иттилоъ дод, дар конфронс зикр шуд, ки “зан-модар таҷассуми симои маънавию ахлоқӣ ва зоҳирию ботинии ҳар миллату давлат ва ҷомеаи мутамаддин буда, сатҳи хираду маърифат, камолоту пешрафт, гузашта ва ояндаи ҷомеаро инъикос менамояд”.
Директори Осорхонаи миллии Тоҷикистон Аҳлиддин Ибодуллозода баён намуд, ки «дар ҳамаи иқдомҳои наҷиб ва дастовардҳои таърихии миллати шарафманди тоҷик хидмати занону модарон, ки ақлу заковаташон таҷассумгари маънавиёти гаронбаҳои халқи куҳанбунёди мо мебошад, хеле бузург аст».
Ҳамзамон дар доираи конфронси мазкур таҳти унвони «Дастовардҳои илмии занон-олимони тоҷик дар 30 соли Истиқлоли давлатии Ҷумҳурии Тоҷикистон» намоиши ҷумҳуриявӣ ифтитоҳ гардид.
Дар намоиш аз фонди Осорхонаи миллии Тоҷикистон ва Осорхонаи бонувони барҷастаи Тоҷикистон ба номи Муқаддара Рустамова мусаввараҳо, диплому сипосномаҳо, ҷоизаҳо, мукофотҳои давлатӣ, ҳуҷҷату аксҳо ва китобҳо пешниҳод шудаанд, ки фаъолияти пурсамари занон-олимони тоҷик ва саҳми боризи онҳоро дар соҳаҳои гуногуни кишвар ва дар арсаи илми ватаниву умумибашарӣ нишон медиҳанд.
Ёдовар мешавем, ки намоиши «Дастовардҳои илмии занон-олимони тоҷик дар 30 соли Истиқлоли давлатии Ҷумҳурии Тоҷикистон» то 1 июн идома меёбад.
Аксҳо аз Осорхонаи миллии Тоҷикистон
НИШАСТИ МАТБУОТӢ. Олимони Академияи миллии илмҳои Тоҷикистон 30 патент барои ихтироъ ба даст оварданд
Филмҳои таҳиянамудаи «Тоҷикфилм» соҳиби 20 ҷоизаи байналмилалӣ гардиданд
Дар Теҳрон дар мавзуи «Мероси адабии Рӯдакӣ» нишасти илмию адабӣ баргузор гардид
«ФЕҲРИСТИ НОМҲОИ МИЛЛИИ ТОҶИКӢ». Кумитаи забон ва истилоҳот ба 330 муроҷиаткунанда барои номгузории фарзандон хулосаи рад дод
НИШАСТИ МАТБУОТӢ. Соли 2024 дар асоси Барномаи рушди кино 17 филм наворбардорӣ гардид
Таълимгирандагони «Ворисони Куруши Кабир» дар Осорхонаи миллӣ бо таъриху тамаддуни тоҷикон шинос шуданд
Дар Тоҷикистон азнавбақайдгирии ёдгориҳои мероси таърихию фарҳангӣ оғоз шуд
АРҒУШТИ СИТОРАГОН БУВАД ДАР ЧАКАНАТ. Чаро баъзе аз духтарон дар пӯшидани либос ба фарҳанги бегона рӯ меоранд?
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҶАШНИ САДА НИЗ БАЙНАЛМИЛАЛӢ ШАВАД. Пешниҳоди академики Академияи миллии илмҳои Тоҷикистон Фарҳод Раҳимӣ дар ин мавзуъ
«САДА ОМАД, КИ ТУРО МУЖДА ДИҲАД АЗ НАВРӮЗ». Дар Душанбе ҷашни Сада бо намоиши тухмии зироати кишоварзӣ оғоз гардид
«САДА-ПАРТАВИ ХУРШЕДИИ ИСТИҚЛОЛ». Дар Осорхонаи миллии Тоҷикистон бахшида ба он конфронси ҷумҳуриявӣ доир шуд
