«ҲЕҶ КАС ВА ҲЕҶ ЧИЗ ФАРОМӮШ НАМЕШАВАД!». Таҳти ин унвон дар Кӯлоб маъракаи даҳрӯзаи Поси хотир баргузор мегардад

Май 3, 2021 09:01

ДУШАНБЕ, 03.05.2021 /АМИТ «Ховар»/. Мақомоти иҷроияи ҳокимияти давлатии шаҳри Кӯлоб  бахшида ба Рӯзи Ғалаба аз 3 то 13 май  баргузории  маъракаи  даҳрӯзаи Поси хотирро  таҳти унвони «Ҳеҷ кас ва ҳеҷ чиз фаромӯш намешавад!» эълон намуд.

Тавре аз мақомоти иҷроияи ҳокимияти давлатии шаҳри Кӯлоб ба АМИТ   «Ховар»  хабар доданд, тибқи нақшаи чорабиниҳои мазкур  ҳамаи роҳбарони ташкилоту муассиса новобаста аз шакли моликият, раисони ҷамоат, қитъаҳои истифодабарии манзил, соҳибкорон, шӯрои собиқадорони ҷангу меҳнат, шӯро ва созмонҳои кор бо ҷавонон вазифадор шудаанд, ки корҳои ободониро дар назди ҳайкалҳо, оромгоҳҳо (бо ташкили аксияи “Рӯзи ёдоварӣ”) ва дигар ҷойҳои ҷамъиятӣ ба роҳ монанд.

Ҳамчунин дар ин даҳрӯза масъулин  вазифадор гардидаанд, ки иштирокчиёни Ҷанги дуюми ҷаҳон ва шахсони ба онҳо баробаркардашударо аёдат намуда, ба онҳо кумак расонанд. Дар ҷараёни  чорабиниҳои оммавӣ   хотираи ҷавонмардони далеру шуҷои Ватан, ки ҳангоми адои вазифаҳои хизматӣ баҳри ҳимояи марзу буми Тоҷикистони соҳибистиқлол қаҳрамонона ҳалок шудаанд, пос дошта мешаванд.

Ҳамзамон  дар муассисаҳои таълимии шаҳри Кӯлоб  вохӯрии собиқадорони ҷангу меҳнат бо хонандагон ва донишҷӯён  ташкил гардида, ба ин муносибат озмуну мусобиқаҳои зеҳниву варзишӣ ва маҳфилҳои илмиву адабӣ ташкил  карда мешаванд.

Бо мақсади дар сатҳи баланд ҷашн гирифтани Рӯзи Ғалаба  дар ҳудуди ташкилоту муассисаҳо шиору овезаҳои ба ин мавзӯъ бахшидашуда  насб  мегарданд.

Май 3, 2021 09:01

Хабарҳои дигари ин бахш

Моҳи май дар Тоҷикистон ҳаво гарм ва сербориш мешавад
Дар ноҳияи Рӯдакӣ 475 нафар бо ҷойи кори доимӣ таъмин гардиданд
Саймумин Ятимов ва Раҷаббой Аҳмадзода дар Беморхонаи марказии Исфара захмбардоштагонро аёдат намуданд
Раиси вилояти Суғд Раҷаббой Аҳмадзода дар Беморхонаи марказии Исфара аз ҳоли ҷароҳатбардоштагон хабар гирифт
Ҷамолиддин Абдуллозода ва Такаюки Мияшита рушди ҳамкорӣ дар соҳаи тандурустиро баррасӣ намуданд
Маркази шаҳрии ёрии таъҷилии Душанбе бо муосиртарин дастгоҳу лавозимоти тиббӣ таъмин шуд
«МАН — ТОҶИКАМ». Қиссаи Парвиз аз Душанбе, ки ба Россия рафта, соҳибкор ва видеоблогер шуд
МОҲИ ХАЙРУ ЭҲСОН. Ба маъюбону ниёзмандони ноҳияи Шаҳринав кумаки моддӣ расонида шуд
Ҷамолиддин Абдуллозода 10 нафар осебдидагони садамаи нақлиётиро аёдат намуд
Дар Тоҷикистон Ҳафтаи аврупоии иммунизатсия гузаронида мешавад
Дар Душанбе масъалаи иҷрои Стратегияи рушди устувори ғизои мактабӣ дар Тоҷикистон баррасӣ гардид
КӮР ЯК БОР АСОЯШРО ГУМ МЕКУНАД! Ба гумроҳоне, ки санг сӯи миллат меандозанд

Маводҳои таҳлилӣ