ФАВРӢ: Фурӯравии замин дар ноҳияи Ҷомӣ бар асари боронҳои шадид
ДУШАНБЕ, 08.05.2021 /АМИТ «Ховар»/. Бар асари боронҳои шадид дар қаламрави деҳаи Навободи ҷамоати деҳоти Ифтихори ноҳияи Ҷомӣ 7 май фурӯравии замин ба қайд гирифта шуд. Дар натиҷа 15 хонаи истиқоматии сокинон ва 100 гектар замини кишт фурӯ рехт. Дар ин бора ба АМИТ «Ховар» аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар доданд.
Бо мақсади роҳ надодан ба ҳодисаҳои нохӯш ва марги одамон дар мавриди интиқоли 167 хоҷагӣ ба маконҳои амн қарор қабул шуд.
Миёни сокинон талафоти ҷонӣ нест, ҳамчунин аз маргумири чорвои калону хурд низ гузориш нарасидааст. Дар айни замон дуртар аз маҳалли додиса як шаҳраки хайманишинон сохта шуда, зарардидагон бо се вақт ғизо ва оби нӯшокӣ таъмин карда шудаанд.
Бо супориши Президенти Ҷумҳурии Тоҷикистон ба таври фаврӣ Ситоди ҷумҳуриявӣ ташкил карда шуд, ки ба он ҷонишини Сарвазири кишвар Давлатшо Гулмаҳмадзода сарварӣ мекунад.
Дар ҷаласаи Ситод, ки дар ноҳияи Ҷомӣ баргузор гардид, Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, генерал-лейтенант Рустам Назарзода, Директори Агентии беҳдошти замин ва обёрии назди Ҳукумати ҶТ, Раиси вилояти Хатлон, Ҷонишини Раиси Кумитаи давлатии идораи замин ва геодезии Тоҷикистон, намояндагони Сарраёсати идораи геологии назди Ҳукумати Ҷумҳурии Тоҷикистон, Институти сейсмологияи Академияи миллии илмҳои Тоҷикистон, Институти Лоиҳавӣ-таҳқиқотии “Фазо” ширкат намуданд.
Қарор шуд, ки барои бунёди як шаҳрак барои сокинони осебдида дар минтақаи бехатар замин ҷудо карда шавад.
Мушоҳидаву назорати шабонарӯзии вазъ аз ҷониби гурӯҳи корӣ, ки аз ҳисоби мутахассисони вазоратҳо ва идораҳо таъсис шудааст, оғоз гардидааст. Барои таъмини бехатарии аҳолии ба макони дигар интииқолёфта мақомоти махсус вазифадор карда шудаанд.
АКС аз манбаҳои боз
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
