Гардиши мол миёни Тоҷикистон ва Ӯзбекистон ба таври назаррас афзоиш ёфтааст
ДУШАНБЕ, 18.05.2021 /АМИТ «Ховар»/. Дар семоҳаи аввали соли равон афзоиши гардиши мол миёни Тоҷикистон ва Ӯзбекистон беш аз 23 миллион доллари ИМАро ташкил дод. Тавре АМИТ «Ховар» иттилоъ медиҳад, дар ин бора Вазири рушди иқтисод ва савдои Тоҷикистон Завқӣ Завқизода дирӯз дар Душанбе зимни мулоқот бо муовини Сарвазир, Вазири сармоягузорӣ ва савдои хориҷии Ӯзбекистон Сардор Умурзоқов иброз дошт.
Мулоқот дар ҳошияи ҷаласаи ҳаштуми комиссияи байниҳукуматии ҳамкории тиҷоративу иқтисодӣ доир шуд.
Дар ҷараёни ҷаласа З. Завқизода зикр кард, ки Ӯзбекистон яке аз шарикони асосии стратегии Тоҷикистон мебошад.
Зикр шуд, ки дар семоҳаи аввали соли 2021 гардиши мол миёни кишварҳо аз 104 миллион доллар гузашт. Нишондиҳанда нисбат ба ҳамин давраи соли 2020 23,1 миллион доллар зиёдтар шудааст.
Дар ҷараёни музокирот ҷонибҳо омодагии худро ба тавсеаи ҳамкории мутақобилан судманд иброз дошта, ба мувофиқа расиданд, ки дар лоиҳаҳои афзалиятноки рушди тиҷоративу иқтисодӣ, ташкили корхонаҳои муштарак дар қаламрави минтақаҳои озоди иқтисодии Ҷумҳурии Тоҷикистон, инчунин ҳамчун табодули таҷриба байни вазоратҳои ду кишвар дар соҳаи пешгӯии макроиқтисодӣ, тиҷорати электронӣ ва содагардонии расмиёти савдо ҳамкорӣ намоянд.
АКС: Вазорати рушди иқтисод ва савдои ҶТ
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
Дар Озарбойҷон ташаббусҳои Президенти Тоҷикистон дар самти ҳифзи пиряхҳо таъкид гардиданд
Масъалаҳои фаъолияти дидбонгоҳҳои гумрукии наздисарҳадӣ баррасӣ шуданд
Ҷаласаи 7-уми Комиссияи муштараки ҳамкории тиҷоратӣ, иқтисодӣ ва илмӣ-техникии Тоҷикистон ва Покистон доир мегардад
Дар Душанбе Лоиҳаи дуюми мукаммалгардонии идоракунии молияи давлатӣ баррасӣ гардид
Дар Сингапур имконияти ҳамкории дуҷониба бо Тоҷикистон баррасӣ шуд
Пагоҳ дар вилояти Хатлон Форуми байналмилалии сармоягузорӣ доир мегардад
Дар Боку бо ташаббуси ҷониби Тоҷикистон оид ба мониторинги криосфера ва ҳамкорӣ барои тақсимоти захираҳои обӣ чорабинии канорӣ доир шуд
Ҳайати Тоҷикистон дар Форуми тиҷоратӣ-сармоягузории кишварҳо дар шаҳри Сингапур иштирок намуд
Дар Тоҷикистон Барномаи «Маблағгузории занҷираи арзиши агросектор» ҷамъбаст гардид
Ҷалби сармоягузории мустақими Ҷумҳурии Сингапур ба Ҷумҳурии Тоҷикистон баррасӣ карда шуд
Дар «Фестивал-намоиш ва фурӯши чорвои зотӣ» дастовардҳои соҳаи чорводорӣ муаррифӣ гардиданд
