Иштирокчии ҶДҶ Зайнулло Алиеви 103-сола: Ба қадри сулҳу суботи Тоҷикистони осоишта бирасед!
ДУШАНБЕ, 08.05.2021 /АМИТ «Ховар»/. Дар арафаи таҷлили 76-умин солгарди Рӯзи Ғалаба Раиси Кумитаи иҷроияи Ҳизби Халқии Демократии Тоҷикистон дар вилояти Хатлон Қиёмиддин Миралиён ба аёдати иштирокчии Ҷанги дуюми ҷаҳонӣ, сокини шаҳри Бохтар Зайнулло Алиеви 103-сола рафта, бо вазъи солимӣ ва шароити зиндагии ӯ аз наздик шинос гардид.
Тавре аз шуъбаи иттилоот ва матбуоти Кумитаи иҷроияи Ҳизби Халқии Демократии Тоҷикистон дар вилояти Хатлон ба АМИТ “Ховар” хабар доданд, Зайнулло Алиев дар муҳорибаҳои ҶДҶ солҳои 1941-1945 бар зидди фашизм иштирок карда, дар муҳофизати Ватан саҳми муносиб гузоштааст.
Зимни суҳбат Зайнулло Алиев қисса кард, ки дар он рӯзҳои мудҳиши ҷанги хонумонсӯз чӣ мушкилоти сангинеро аз сар гузаронидааст. Аз ин рӯ мардуми кишварро даъват менамояд, ки ба қадри тинҷию сулҳу суботи Тоҷикистони осоишта расида, баҳри боз ҳам обод гаштани он меҳнати фидокорона намоянд.
Зайнулло Алиев имрӯзҳо дар ҳалқаи фарзандону наберагон давлати пирӣ ронда, аз имтиёзҳое, ки давлату Ҳукумати мамлакат баҳри иштирочиёни ҶДҶ муқаррар намудааст, истифода мебарад.
Роҳбарияти Кумитаи иҷроияи ҳизб дар вилояти Хатлон ба ӯ як миқдор маблағи пулӣ низ кумак карданд. Қиёмиддин Миралиён зимни суҳбат гуфт, ки таърих заҳмату ҷонбозиҳои шахсиятҳои ватандӯстро ҳеҷ гоҳ фаромӯш нахоҳад кард ва насли ҷавон аз корнамоиҳои шумо барин инсонҳои фидоӣ мефахрад.
Дар ноҳияи Файзобод иншооти соҳаи тандурустӣ бунёду навсозӣ карда мешаванд
Дар ноҳияи Шаҳристон доир ба Ваҳдати миллӣ чун рукни асосии ташаккули ҷомеа ва давлат вохӯрӣ баргузор шуд
Маҷлиси Кумитаи иҷроияи Ҳизби Халқии Демократии Тоҷикистон дар шаҳри Душанбе баргузор гардид
НИШАСТИ МАТБУОТӢ. Маркази тадқиқоти стратегӣ бо 26 маркази тадқиқотии хориҷӣ созишномаҳо ба имзо расонид
НИШАСТИ МАТБУОТӢ. Зиёда аз 57 миллион сомонӣ маблағ ба манфиати модару кӯдак ситонида шудааст
Дар Тоҷикистон содиршавии ҷиноят нисбат ба кӯдакон 30 фоиз зиёд шудааст
НИШАСТИ МАТБУОТӢ. Ваколатдор оид ба ҳуқуқи инсон дар Тоҷикистон бо мақомоти ваколатдори Қатар ва Булғористон Ёддошти тафоҳум ба имзо мерасонад
Дар истироҳатгоҳи «Ширкент» 1783 нафар кӯдакону наврасон ба истироҳати бофароғат фаро гирифта шуданд
Маблағи грантҳои президентӣ вобаста ба арзиши лоиҳаҳои пешниҳодшуда ҷудо мегардад
Ҷарроҳони чинӣ наврасонеро, ки бемории нуқсони модарзодии дил доранд, ройгон ташхис менамоянд
НИШАСТИ МАТБУОТӢ. Дар Тоҷикистон ҳолатҳои бекоршавии ақди никоҳ кам шудаанд
Ҳайати ҷавонони Тоҷикистон дар ҷаласаи Шурои ҷавонони Созмони ҳамкории Шанхай иштирок намуд
