Озмуни байналмилалии «Евровидение-2021» дар Роттердам оғоз ёфт
ДУШАНБЕ, 17.05.2021 /АМИТ «Ховар»/. Озмуни байналмилалии сурудҳо-«Евровидение-2021» якшанбеи 16 май расман дар Роттердами Нидерланд оғоз шуд. Озмун аз 18 то 22 май дар Ahoy Arena баргузор мешавад. Баромадҳои ниманиҳоӣ 18 ва 20 май доир мегарданд. Маросими ифтитоҳи озмун барои ҳаводорони шоу (намоиш), ки бинобар пандемияи коронавирус дар ҷаҳон натавонистанд ба он биоянд, ба таври онлайн пахш карда шуд.
Дар озмун 34 ҳайат аз 39 кишвари иштирокчии озмун ширкат варзиданд. Ҳайатҳои Полша ва Исландия бо сабаби дар вуҷуди онҳо ошкор шудани коронавирус дар маросим ҳузур надоштанд, иштирокчиёни озмун аз Руминия ва Малта бо сабаби тамоси эҳтимолӣ бо полякҳо ва исландиҳо ба худмаҳдудкунӣ фиристода шуданд. Инчунин намояндаи Австралия низ натавонист иштирок кунад ва паёми видеоӣ фиристод.
Сароянда Манижа (ДАР АКС), ки Россияро дар ин озмун муррифӣ мекунад, бо дастаи ҳамовозаш рӯи гилеми фирӯзаранги роҳрав зоҳир шуд ва дар бораи оҳанги «Russian Woman», ки бо он дар озмун ҳунарнамоӣ хоҳад кард, нақл намуд.
«Давраҳои душвори зиндагиам маро ба навиштани ин суруд водор сохтанд. Ҳоло ман метавонам эҳсос кунам, ки чӣ гуна паёми ин суруд ба ман кумак мекунад, ки худам дар саҳнаи «Евровидение» барпой биистам», — изҳор намуд ӯ ба хабарнигорон.
Пештар дар ҳамин рӯз иштирокчиёни озмун аз Хорватия ва Австралия Манижаро дастгирӣ карданд. Илова бар ин, сарояндаи австралиягӣ Монтене изҳор дошт, ки Манижа маҳбуби ӯ дар «Евровидение» аст.
Дар моҳи апрел суруди Манижа «Russian Woman» ба дарёфти ҷоизаи Eurostory Award барои беҳтарин матни озмун пешбарӣ шуда буд. Сароянда иброз дошт, ки суруд ба такомули худшиносии зан дар Россия дар тӯли чандин садсола бахшида шудааст.
АКС: AP 2021
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
