«РОҲҲОИ ПЕШГИРИИ ҒАРҚШАВИИ КӮДАКОНУ НАВРАСОН ҲАНГОМИ ОББОЗӢ». Дар ин мавзӯъ дар Душанбе семинар-машварати дастурдиҳӣ доир гардид

Май 29, 2021 09:32

ДУШАНБЕ, 29.05.2021 /АМИТ «Ховар»/.  28 май дар Муассисаи давлатии «Маркази кӯдакон ва наврасони шаҳри Душанбе» семинар-машварати дастурдиҳӣ дар мавзӯи «Роҳҳои пешгирии ғарқшавии кӯдакону наврасон ҳангоми оббозӣ» баргузор гардид.

Тавре аз Сарраёсати маорифи шаҳри Душанбе ба АМИТ «Ховар» хабар доданд, бо фаро расидани фасли гармо, мавсими оббозӣ ва  ба таътили тобистона баромадани хонандагон  омӯзгорону падару модаронро масъалаи ғарқшавии кӯдакону наврасон ҳангоми оббозӣ, ки чунин ҳодисаҳо солҳои қаблӣ зиёд ба мушоҳида мерасиданд, ба ташвиш меорад.

«Аз ин рӯ бо дастури Сарраёсати маорифи шаҳри Душанбе   ин семинар – машварати дастурдиҳӣ бо иштироки мутахассисони Раёсати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар шаҳри Душанбе, сардорон, сармураббиён, мураббиёни майдончаҳои солимгардонии назди муассисаҳои таълимӣ ва истироҳатгоҳҳои беруназшаҳрии тобистона, инчунин директорони марказҳои кӯдакон ва наврасони шаҳри Душанбе баргузор гардид, ки ҳадаф аз он пешгирӣ аз ҳодисаҳои нохуш ҳангоми оббозии наврасон  мебошад»,- афзуъ манбаъ

Ҷамъомади мазкурро директори Муассисаи давлатии «Маркази кӯдакон ва наврасони шаҳри Душанбе» Комил Раҳимӣ ифтитоҳ намуда, сабабу омилҳои ба ин ҳодисаи нохуш дучор омадани наврасонро шарҳ дод.

Сипас  ба иштирокчиёни семинар-машварт оид ба мавзӯи зикргардида видеоролики тарғиботӣ намоиш дода шуд.

Сардори Раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе Асомиддин Бобозода  зарурати ташкил ва баргузории чунин семинар-машварат ва риояи ҳатмии қоидаҳои оббозӣ дар майдончаҳои солимгардонии назди муассисаҳои таълимӣ ва истироҳатгоҳҳои беруназшаҳриро таъкид намуд.

Сипас  намояндагони Раёсати Кумитаи ҳолатҳои фавқулодда ва мудофиаи граждании Ҷумҳурии Тоҷикистон дар шаҳри Душанбе,  майори маркази таълимӣ-методии Раёсат Мушкинисо Халифаева ва муовини сардори дастаи махсуси зудамали наҷотдиҳӣ, майор Ҳабибулло Февлофгиев оид ба роҳҳои пешгирии ғарқшавии кӯдакону наврасон ҳангоми оббозӣ, омӯзонидани қоидаҳои оббозӣ ба кӯдакону наврасон ва назорати ҷиддӣ бурдани калонсолон ҳангоми оббозии  онҳо маслиҳатҳои судманд доданд.

Дар фарҷоми семинар-машварт ба иштирокчиён “Дастури тавсиявӣ оид ба риояи қоидаҳои оббозӣ барои кӯдакону наврасон” ва варақаҳои тарғиботӣ, ки аз тарафи Муассисаи давлатии «Маркази кӯдакон ва наврасони шаҳри Душанбе» омода гардида буд, дастрас гардонида шуд.

Май 29, 2021 09:32

Хабарҳои дигари ин бахш

«ЗАНОН ДАР ИҚТИСОДИ «САБЗ» ВА РАҚАМӢ». Дар шаҳри Гулистон Форуми минтақавии Муколамаи занони Осиёи Марказӣ доир шуд
Беш аз 80 ҳазор нафақагирони шаҳри Душанбе аз индексатсия баҳраманд шуданд
Озмуни ҷумҳуриявии нонпазии «Зеби дастархон» ҷамъбаст шуд
Намояндаи Тоҷикистон дар Форуми байналмилалӣ оид ба таҷрибаи Тоҷикистон дар омӯзиши бозори меҳнат сухан гуфт
Раиси Шурои уламои Тоҷикистон бо медали фахрии Анҷумани роҳбарони динҳои ҷаҳонӣ ва суннатӣ сарфароз гардонида шуд
Дар Суғд Форуми Муколамаи занони Осиёи Марказӣ баргузор мешавад
МАСЛИҲАТИ МУТАХАССИС. Хӯрдани анҷир хавфи бемории дилро кам менамояд
35-СОЛАГИИ ИСТИҚЛОЛИ ДАВЛАТӢ. Барои кормандони соҳаи ҳифзи муҳити зист 4 бинои маъмурӣ ба истифода дода мешавад
Истеъмоли хурмо узви босираро мустаҳкам намуда, пеш аз муҳлат пиршавии баданро пешгирӣ менамояд
21 СЕНТЯБР — РӮЗИ БАЙНАЛМИЛАЛИИ СУЛҲ. Тоҷикистон дар роҳи таҳкими сулҳ ва амният дар ҷаҳон пешсаф аст
То соли 2050 ҳарорати миёнаи ҳаво дар минтақаи Осиёи Марказӣ метавонад аз 0,8 то 6,2 дараҷа баланд гардад
Дар шаҳри Гулистон ҳамоиши ҷавонон баргузор шуд