Сарвазири Тоҷикистон Коҳир Расулзода ба Тошканд сафар кард
ДУШАНБЕ, 14.05.2021 /АМИТ «Ховар»/. Имрӯз ҳайати Тоҷикистон бо роҳбарии Сарвазири мамлакат Коҳир Расулзода ҷиҳати иштирок дар ҷаласаи навбатии 8-уми Комиссияи муштараки байниҳукуматӣ ба пойтахти Ӯзбекистон сафар кард. Дар фурудгоҳи байналмилалии Тошканд ҳайати Тоҷикистонро Сарвазири Ӯзбакистон Абдулло Орипов пешвоз гирифт.
Худи ҳамин рӯз Президенти Ҷумҳурии Ӯзбекистон Шавкат Мирзиёев Сарвазири Ҷумҳурии Тоҷикистон Коҳир Расулзодаро ба ҳузур пазируфт. Сарвазири Ҷумҳурии Тоҷикистон ба Президенти Ӯзбекистон барои пазироии гарм изҳори сипос намуда, саломи самимӣ ва таманниёти неки Президенти Ҷумҳурии Тоҷикистон Эмомалӣ Раҳмон расонид.
Масъалаҳои густариши минбаъдаи ҳамкории гуногунҷабҳаи амалӣ, таҳкими муносибатҳои дӯстӣ, ҳамсоягии нек ва шарикии стратегии Ӯзбекистон ва Тоҷикистон баррасӣ шуданд.
Тавре Агентии миллии иттилоотии «УзА» хабар медиҳад, Шавкат Мирзиёев сатҳи баланди ҳамкориҳои кунуниро, ки ба туфайли иродаи сиёсӣ ва амалҳои қатъии роҳбарони ду давлат ба даст омадааст, бо қаноатмандии амиқ зикр намуд.
Зимни мулоқот ба татбиқи лоиҳаҳои самарабах дар соҳаҳои савдо, мошинсозӣ, энергетика, маъдан, кишоварзӣ, саноати бофандагӣ, нақлиёт, сайёҳӣ ва тандурустӣ таваҷҷуҳи махсус зоҳир карда шуд. Ҳамчунин робитаҳои фаъол дар сатҳи минтақавӣ ва тиҷоратӣ, барномаҳои мубодилаи фарҳангию гуманитарӣ идома хоҳанд ёфт.
Сарвазири Тоҷикистон зикр кард, ки барои омодагии ҳаматарафаи мулоқоти дарпешистодаи сарони давлатҳои мо, инчунин ба таъмини таҳкими шарикии ҳамаҷонибаи кишварҳо ва халқҳои бародар саъй хоҳад кард.
Зикр карда мешавад, ки 15 май ҳайат дар ҷаласаи Комиссияи байниҳукуматӣ оид ба ҳамкории тиҷоративу иқтисодии байни ду мамлакат ширкат меварзад.
АКСҲО: АМИ «УзА»/АМИТ «Ховар»
Ҷузъиёти дигари сафари кории Сарвазири Ҷумҳурии Тоҷикистон ба Тошкандро дар маводҳои минбаъдаи хабарнигори АМИТ «Ховар» аз Тошканд мутолиа намоед.
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
