Шабонарӯзи охир дар ҷаҳон зиёда аз 697 ҳазор ҳолати сирояти коронавирус ошкор шуд

ДУШАНБЕ, 15.05.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 697 ҳазор афзоиш ёфта, аз 162,53 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 10:00 (ба вақти Душанбе)-и 15 май, ба СУТ дар бораи 162 539 539 сироятшуда ва 3 371 509 фавт маълумот расидааст. Шумораи гирифторони ин беморӣ шабонарӯзи охир 697 756 нафар ва фавтидагон 12 829 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 33 664 013. Баъд аз он Ҳиндустон (24 372 907), Бразилия (15 521 313), Франсия (5 848 154), Туркия (5 095 390), Россия (4 922 901), Британияи Кабир (4 446 824), Италия (4 146 722), Испания (3 604 799), Германия (3 585 891), Аргентина (3 269 466) ва Колумбия (3 084 460) қарор доранд.

АКС аз Global Look Press / Sven Hoppe