СУТ: ҷаҳон аз лиҳози сатҳи гирифторӣ ба COVID-19 ба нуқтаи авҷ расид, аммо мо набояд ҳушёриро аз даст бидиҳем
ДУШАНБЕ, 11.05.2021 /АМИТ «Ховар»/. Теъдоди ҳолатҳои нави сироятёбӣ аз COVID-19 дар сатҳи ҷаҳонӣ аз афзоиш бозмонд. СУТ мегӯяд, ки ҷаҳон аз лиҳози сатҳи гирифторшавӣ ба COVID-19 ба нуқтаи авҷи худ расид. Ва дар баъзе минтақаҳо, масалан, дар Амрикои Шимолӣ, Ҷанубӣ ва Аврупо, ки ба наздикӣ аз рӯи шумораи сироятёбӣ пешсаф буданд, нишондиҳандаҳои беморшавӣ рӯ ба коҳиш овардаанд.
Дар ҳамин ҳол, тавре ки роҳбари СУТ Тедрос Гебрейесус зимни брифинг дар Женева изҳор дошт, ин нишондиҳандаҳо дар маҷмӯъ чун пештара хеле баланд мебошанд. Дар тӯли ҳафтаи охир 5,4 миллион ҳолати гирифторшавӣ ба ин беморӣ сабт шуд ва 90 ҳазор нафар ба асари COVID-19 фавтиданд, хабар медиҳад АМИТ «Ховар» бо истинод ба Хадамоти ахбори СММ.
«Мо аз ҳар гуна коҳиши нишондиҳандаҳо истиқбол мекунем, аммо ин пештар низ сурат мегирифт», — ёдовар шуд доктор Тедрос. — Соли сипаришуда дар аксари кишварҳо тамоюли коҳиши шумораи ҳолатҳои беморшавӣ ва фавт мушоҳида мешуд, ҳукуматдорон чораҳои маҳдудкунандаи иҷтимоиро бисёр зуд сабук карданд, одамон ҳушёриро аз даст доданд ва дар натиҷа бозгашт ба ақиб сурат гирифт».
Маҳз ҳамин ҳолат дар Ҳиндустон, ки ҳар рӯз 350-370 ҳазор нафар сироят меёбанд, сурат гирифт. Доктор Тедрос ташаббуси нави СУТ — «Барои Ҳиндустон муттаҳид мешавем» -ро эълон кард, ки дар доираи он Созмон барои дастгирии мубориза бар зидди пандемия дар он кишвар маблағ ҷамъоварӣ хоҳад кард. Пулҳо, аз ҷумла, барои хариди балонҳои оксиген, таҷҳизоти муҳофизатии инфиродӣ ва доруворӣ масраф хоҳанд шуд.
Тедрос инчунин нобаробариро дар раванди эмгузаронӣ бо COVID-19 зикр кард. Масалан, дар кишварҳои дорои сатҳи даромади баланд ва даромади миёна, ки дар онҳо тахминан 53 фоизи аҳолии кураи Замин зиндагӣ мекунанд, 83 фоизи тамоми вояҳои ваксинаҳои то имрӯз истеҳсолшуда рост меояд. Дар ҳамин ҳол, кишварҳои дорои даромади кам ва камтар аз сатҳи миёна, ки дар онҳо 47 фоизи аҳолии кураи Замин зиндагӣ мекунанд, танҳо 17 фоизи ваксинаҳоро ба даст овардаанд.
Роҳбари СУТ бори дигар таъкид кард: то вақте ки аксарияти сокинони сайёра бо ваксина эм карда нашаванд, пирӯзӣ бар пандемия ғайриимкон аст.
ДАР АКС: дар Ҳиндустон ҳолатҳои гирифторшавӣ ба COVID-19, чун пештара, афзоиш меёбанд. Дар беморхонаҳо барои ҳама ҷой намерасад. Акс аз ЮНИСЕФ / А. Сингх
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
