Вазъи пешгирӣ ва мубориза бо бемориҳои ғайрисироятӣ дар Тоҷикистон баррасӣ шуд
ДУШАНБЕ, 05.05.2021 /АМИТ «Ховар»/. 4 май бо ташаббуси Созмони умумиҷаҳонии тандурустӣ дар Тоҷикистон ва дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар шаҳри Душанбе доир ба вазъи пешгирӣ ва мубориза бо бемориҳои ғайрисироятӣ дар мамлакат ҷаласаи онлайнӣ баргузор гардид.
Дар он намояндаи Маҷлиси намояндагони Маҷлиси Олии Ҷумҳурии Тоҷикистон Ҷамшед Муртазозода, муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода, роҳбари Намояндагии Созмони умумиҷаҳонии тандурустӣ дар Ҷумҳурии Тоҷикистон Виктор Олшавский, котиби якуми Сафорати Федератсияи Россия дар Тоҷикистон Александр Масленников, сардори Раёсати ислоҳот, кумаки аввалияи тиббию санитарӣ ва робитаҳои байналмилалии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Илҳом Бандаев, шарикони рушд, роҳбарон ва намояндагони муассисаҳои тандурустӣ ва тариқи онлайн мутахассисони СУТ иштирок ва суханронӣ намуданд.
Муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода иброз намуд, ки Ҳукумати мамлакат дар самти пешгири бемориҳои ғайрисироятӣ пайваста тадбирҳои муҳим меандешад.
Ба зикри мутахассисон, тамокукашӣ яке аз омилҳои асосии хатари бемориҳои ғайрисироятӣ, аз ҷумла саратон, бемориҳои дилу рагҳо ба ҳисоб рафта, тибқи нишондиҳандаҳои Созмони умумиҷаҳонии тандурустӣ, ҳоло дар ҷаҳон аз шумораи умумии аҳолӣ ҳамарӯза қариб 1 миллиард нафар мардон ва 250 миллион нафар занон тамоку мекашанд.
Намояндаи Маҷлиси намояндагони Маҷлиси Олии Ҷумҳурии Тоҷикистон Ҷамшед Муртазозода иброз дошт, ки Ҳукумати Ҷумҳурии Тоҷикистон ҷиҳати пешгирии истифодаи маҳсулоти тамоку якчанд чораҳои муҳимро рӯи кор гирифтааст, ки барнома ва ҳуҷҷатҳои дар ин самт қабулгардида далели ин гуфтаҳо мебошанд.
Мавриди зикр аст, ки аввалин маротиба соли 2010 Қонуни Ҷумҳурии Тоҷикистон «Дар бораи маҳдуд намудани истифодаи маҳсулоти тамоку» қабул гардида, соли 2013 бо дастгирии Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон Тоҷикистон ба Конвенсияи қолабии Созмони умумиҷаҳонии тандурустӣ доир ба мубориза бар зидди тамоку ҳамроҳ гардид.
Мувофиқи маълумоти Созмони умумиҷаҳонии тандурустӣ, тамокукашӣ 10%-и сабаби асосии марги аҳолии калонсоли ҷаҳонро ташкил дода, ҳамасола 5,4 миллион нафар одамон аз бемориҳои ба тамокукашӣ вобаста мефавтанд.
Дар идомаи ҳамоиш иштирокчиён доир ба вазъи бемориҳои ғайрисироятӣ ва роҳҳои пешгирии онҳо дар кишвар маърӯзаҳои пурмуҳтаво пешниҳод намуданд.
Акс аз сомонаи Вазорати тандурустӣ ва ҳифзи иҷтимоии аҳолии ҶТ
Оид ба нақши муассисаҳои илмӣ ва олии таълимӣ дар фаъолияти ҳуқуқэҷодкунӣ конференсияи байналмилалӣ доир шуд
Дар ноҳияи Мастчоҳ гурӯҳи ҷавонони синни даъватӣ даври омӯзишии ронандагиро хатм намуданд
Дар Тоҷикистон баландшавии ҳолати ифлосшавии ҳавои атмосферӣ дар назар аст
«ҲУНАРМАНДИ СОЛ-2025». Дар Душанбе озмуни ҷумҳуриявӣ ҷамъбаст гардид
Дар Душанбе беш аз 40 далели аз меъёри муқарраргардида гарон ба фурӯш гузоштани маҳсулоти гӯштӣ ошкор карда шуд
Ҳамкории Тоҷикистон бо Финляндия дар самти таҳкими ниҳоди миллии ҳифзи ҳуқуқи инсон тақвият меёбад
«Барномаи давлатии рушди соҳаи тандурустӣ ва ҳифзи иҷтимоии аҳолии вилояти Хатлон барои солҳои 2021-2025» баррасӣ гардид
Муколамаи навбатии занони Осиёи Марказӣ дар Узбекистон баргузор мегардад
Дар Душанбе таҳти унвони «Занон, сулҳ ва амният» форум баргузор шуд
МУКОЛАМАИ ЗАНОНИ ОСИЁИ МАРКАЗӢ. Дар доираи он таҳти унвони «Занон, сулҳ ва амният» форум баргузор мегардад
ПАРЧАМ ВА ПАРЧАМДОРӢ ДАР ТАЪРИХИ ДАВЛАТДОРИИ ТОҶИКОН. Дар Академияи миллии илмҳои Тоҷикистон конференсия доир шуд
ЭҲТИРОМ БА ПАРЧАМ- ЭҲТИРОМ БА ТАЪРИХИ МИЛЛАТ. Дар Агентии ҳифзи мероси таърихию фарҳангӣ ҷамъомад доир шуд
