ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН.То ҷашни Истиқлолияти давлатӣ дар даромадгоҳи Мурғоб дарвоза сохта мешавад
ДУШАНБЕ, 23.06.2021/АМИТ «Ховар»/. То ҷашни Истиқлоли давлатии Ҷумҳурии Тоҷикистон дар даромадгоҳи ноҳияи баландкӯҳи Мурғоб дарвоза сохта мешавад. Дар шафати дарвоза инчунин ташкили таваққуфгоҳи велосипед, айвон ва харитаи экологии сайёҳии ноҳияи Мурғоб ва дигар инфрасохтор пешбинӣ гардидааст.
Дар ин бора аз Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» иттилоъ доданд.
Тибқи иттилои манбаъ, Раиси Кумитаи ҳифзи муҳити зист Баҳодур Шерализода, ки роҳбари гурӯҳи кори ҳукуматӣ ҷиҳати омодагиҳо ба ҷашни 30-солагии Истиқлоли давлатӣ дар ин ноҳия мебошад, ба Мурғоб сафари корӣ анҷом дода, бо роҳбарон ва дигар масъулони мақомоти иҷроияи ҳокимияти давлатии ноҳияи мазкур барои сохтмони дарвозаи даромадгоҳи ноҳия санги асос гузошт.
Баҳодур Шерализода бо фаъолон ва роҳбарони мақомоти иҷроияи ҳокимияти давлатӣ, ташкилоту муассисаҳо вохӯриҳо доир намуда, бо ҷараёни корҳои банақшагирифташуда ва сохтмони онҳо шинос гардид.Дар ин сафар Раиси Кумита аз иншооти ҷашнӣ- сохтмони варзишгоҳ дар ҷамоати Бердибаеви ноҳияи Мурғоб дидан намуд. Ҳамзамон оид ба амалигардонии иқдомҳои хайрхоҳонаи Пешвои муаззами миллат муҳтарам Эмомалӣ Раҳмон ба 60 нафар оилаҳои ниёзманди ноҳияи Мурғоб бахшида ба ҷашни Ваҳдати миллӣ кумаки яквақта, аз қабили орду равған ва шакар расонида шуд.
Бо ташаббуси Кумита барои хизматчиёни қисми ҳарбӣ, ки дар ноҳияи Мурғоб мустақар аст, бахшида ба Рӯзи Ваҳдати миллӣ хони идона ороста шуд. Дар вақти сафар ва шиносоӣ Раиси Кумита бо шароити таълиму тарбия аз муассисаҳои таҳсилоти миёнаи умумии рақами 1 ва 14-и ноҳия дидан намуда, таъмиру тармими пурраи 3 синфхонаро ба зиммаи мақомоти ҳифзи муҳити зист вогузор намуд.
Инчунин Баҳодур Шерализода аз Парки миллии Тоҷикистон боздид кард. Сохтмони бинои нави Парки миллии Тоҷикистон барои роҳбарият ва кормандон айни замон идома дошта, он дар арафаи ҷашни миллӣ ба истифода дода мешавад.
Ҳамзамон Раиси Кумита аз Мамнӯъгоҳи давлатии табиии «Зоркӯл» боздид карда, бо масъулин вохӯрӣ анҷом дода, дар маросими гузоштани санги асоси бинои бахши ҳифзи муҳити зисти ноҳияи Ишкошим иштирок намуд.Иттилоъ дода шуд, ки дар маҷмӯъ корҳо дар доираи нақшаҳои тасдиқгардида идома дошта, аз ҷониби масъулон сари вақт ба сомон расонида мешаванд.
Аксҳо аз Кумитаи ҳифзи муҳити зисти назди Ҳукумати ҷумҳурӣ
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Дар Кувайт ҷашнҳои давлатии Тоҷикистон таҷлил гардиданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
Сарвари давлат Эмомалӣ Раҳмон ба корҳои сохтмонии ду лоиҳаи нави энергетикӣ дар ноҳияи Ашти вилояти Суғд ва ноҳияи Ҷайҳуни вилояти Хатлон оғоз бахшиданд
Президенти Ҷумҳурии Тоҷикистон Эмомалӣ Раҳмон 3 гидроагрегати неругоҳи Қайроққумро баъди навсозӣ мавриди истифода қарор доданд
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд
Дар Истаравшан 28 иншооти таъйиноти гуногун ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода сохтмони иншооти ҷашнӣ идома дорад
