Ҳамкории фарҳангии Тоҷикистону Туркия густариш меёбад

Июнь 15, 2021 15:11

ДУШАНБЕ, 15.06.2021 /АМИТ «Ховар»/. Вазорати фарҳанг ва сайёҳии Ҷумҳурии Туркия тасмим гирифтааст, ки ҳамкории фарҳангиро,  на танҳо дар соҳаи ҳунару синамо, балки  дар соҳаи китобдорӣ низ  бо Ҷумҳурии Тоҷикистон ба роҳ монад. Аз ҷумла,  китобҳои адибони маъруфи тоҷикро бо сифати баланд дар Туркия ба нашр расонад, то мардуми туркия аз таъриху  фарҳанги миллати  қадимаи тоҷик боз ҳам бештар ошноӣ пайдо намояд. Ин матлабро  муовини Вазири фарҳанг ва сайёҳии Ҷумҳурии Туркия Нодир Алпаслан зимни мулоқот бо  муовини Вазири фарҳанги Ҷумҳурии Тоҷикистон Манучеҳр Шарифзода, ки  14 июн дар Вазорати фарҳанги Ҷумҳурии Тоҷикистон доир гардид, баён дошт.

Дар ин бора аз маркази матбуотии Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд.

Муовини Вазири фарҳанги Ҷумҳурии Тоҷикистон Манучеҳр Шарифзода пешниҳод намуд, ки  Рӯзҳои фарҳангии ду кишвар- Тоҷикистону Туркия дар кишварҳои ҳамдигар баргузор гарданд.

«Баргузории  ин рӯзҳо мардумони ду кишварро, ки дар   ҳунармандӣ, синамову театр, фарҳанг ва ғайраҳо қаробат доранд, боз ҳам наздиктар месозад»,-илова кард Манучеҳр Шарифзода.

Ин пешниҳод аз ҷониби муовини Вазири фарҳанг ва сайёҳии Ҷумҳурии Туркия бо хушҳолӣ пазируфта шуд.

Ҳамчунин зимни мулоқот иброз гардид, ки давоми солҳои соҳибистиқлолӣ муносибатҳои фарҳангӣ бо кишвари Туркия хеле рушд намуда, як қатор созишномаҳо, ёддоштҳои тафоҳум, барномаҳои ҳамкории фарҳангӣ, аз қабили «Барномаи табодули фарҳангӣ байни Ҳукумати Ҷумҳурии Тоҷикистон ва Ҳукумати Ҷумҳурии Туркия», Лоиҳаи «Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Туркия оид ба таъсис ва фаъолияти марказҳои фарҳангӣ», Созишнома байни Мақомоти иҷроияи ҳокимияти давлатии шаҳри Кӯлоб ва маъмурияти шаҳри Кунияни Туркия оид ба ҳамкории тиҷоратию иқтисодӣ, илмию техникӣ, гуманитарию фарҳангӣ, ки бо Вазорати фарҳанги Ҷумҳурии Тоҷикистон мувофиқа гардидааст, ба имзо расидаанд.

АКС аз Вазорати фарҳанги ҶТ

Июнь 15, 2021 15:11

Хабарҳои дигари ин бахш

Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд