Бахшида ба 70-солагии Институти таърих, бостоншиносӣ ва мардумшиносӣ конфронси ҷумҳуриявии илмӣ-амалӣ баргузор гардид
ДУШАНБЕ, 16.06.2021 /АМИТ «Ховар»/. Бахшида ба 70-солагии Институти таърих, бостоншиносӣ ва мардумшиносии Академияи миллии илмҳои Ҷумҳурии Тоҷикистон ва ба пешвози 30-солагии Истиқлоли давлатии Ҷумҳурии Тоҷикистон таҳти унвони «70 сол дар роҳи омӯзиши таърих ва фарҳанги миллат» конфронси ҷумҳуриявии илмӣ-амалӣ баргузор гардид.
Ноиби президенти Академияи миллии илмҳои Тоҷикистон Абдураҳмон Муҳаммад иброз дошт, ки дар рушду инкишофи тамоми илмҳо таърих заминаи устувор гузошта, минбаъд низ мегузорад. Ба зикри мавсуф, кормандони Институти таърих, бостоншиносӣ ва мардумшиносии ба номи Аҳмади Дониш дар 70 соли фаъолияташ корҳони назаррасеро ба анҷом расониданд.
«Ҳамин аст, ки имрӯз ба кадом шаҳру навоҳие сафар намоему аз осорхонаҳои он дидан ба амал орем таҳқиқу пажуҳиш ва дастовардҳои олимони таърихшиносони ҷумҳурӣ дар он ҷойҳо баръало эҳсос мегардад. Аз ин рӯ метавон нақши институти мазкурро дар байни дигар институтҳое, ки дар мамлакат фаъолият менамоянд назаррас арзёбӣ намуд»,- гуфт Абдураҳмон Муҳаммад .
Ба зикри директори Институти таърих, бостоншиносӣ ва мардумшиносии ба номи Аҳмади Дониши Академияи миллии илмҳои Тоҷикистон Убайдулло Насрулло, соли равон барои кормандони Академия соли махсус буда, онҳо дар баробари ҷашни 30-солагии Истиқлоли давлатӣ ҳамчунин 70 — солагии Академияи миллии илмҳои Тоҷикистон ва 70- солагии Институти таърихро ҷашн мегиранд.
Ҳамчунин номбурда доир ба таърихи институти мазкур маълумот дода, иброз дошт, ки Институти таърих, бостоншиносӣ ва мардумшиносии ба номи Аҳмади Дониш зодаи даврони Шӯравӣ буда, ҳамчун маркази асосии таҳқиқи омӯзиши таърихи халқи тоҷик дар давоми зиёда аз 70 соли мавҷудияти худ корҳои шоиста ва таҳқиқотҳои зиёдеро ба анҷом расонидааст.
Институти таърих бостоншиносӣ ва мардумшиносии ба номи Аҳмади Дониш ҳамчун муассисаи бисёрсоҳавии илмӣ тадқиқотӣ ҳамоҳангсозии таҳқиқоти бунёдии таърих, таърихнигорӣ, маъхазшиносӣ, бостоншиносӣ, мардумшиносӣ, сиккашиносӣ, таърихи назарияи санъат ва илмро ба зимма дорад.
Ёдовар мешавем, ки 16 апрели соли 1951 дар заминаи Институти таърих, забон ва адабиёти Филиали тоҷикистонии Академияи илмҳои Иттиҳоди Ҷумҳуриҳои Шӯравии Сотсиалистӣ таъсис ёфт. Ин институт соли 1960 ба номи Аҳмади Дониш гузошта шуд. Дар тӯлии 70 соли фаъолияташ дар институт чандин муассисаҳои бисёрсоҳавии илмӣ — тадқиқотӣ таъсис дода шуд, ки то ба имрӯз фаъолият менамоянд.
Аксҳо аз сомонаи АМИТ
Дар Душанбе конференсияи байналмилалии «Густариши ҳамкории мамлакатҳои Осиёи Марказӣ дар бахши обу энергетика» идома меёбад
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
