БАРНОМАИ ҶАҲОНИИ ОЗУҚАВОРӢ ОГОҲ МЕКУНАД: Дар асри фаровонӣ ба сокинони 43 кишвари ҷаҳон гуруснагии миқёсан калон таҳдид мекунад
ДУШАНБЕ, 23.06.2021/АМИТ «Ховар»/. Тақрибан 41 миллион нафар одам дар ҷаҳон дар вартаи ҳалокат аз гуруснагӣ қарор дорад. Хурдтарин такон барои онҳо ба фалокати воқеӣ мубаддал хоҳад шуд. Дар ин бора Барномаи ҷаҳонии озуқаворӣ (БҶО) ҳушдор додааст, хабар медиҳад АМИТ «Ховар».
Кормандони БҶО барои наҷоти одамон амалан ба таври шабонарӯзӣ кор мекунанд, аммо барои ҳалли ин мушкилот зарур аст, ки таъҷилан 5,5 миллиард доллар ҷамъоварӣ карда шавад.
«Мутаассифона, он лаҳзае, ки мо гуруснагиро эълон мекунем, он вақт бисёд дер хоҳад шуд. Мо бояд ин фалокатро пешгирӣ кунем», — гуфта шудааст дар баёнияи матбуотии БҶО.
Мутобиқи гузориши «Маконҳои гуруснагӣ», ки онро БҶО ва Ташкилоти озуқаворӣ ва кишоварзии СММ омода ва нашр кардаанд, сокинони Яман ва Судони Ҷанубӣ аллакай ба таври фалокатбор ба камбуди ғизо гирифтор шудаанд. Зиёда аз 5,5 миллион нафар аҳолии минтақаи Тиграи Эфиопия ғизои кофӣ надоранд. Ва ба зиёда аз 350 ҳазор сокини минтақа хатари марг аз гуруснагӣ таҳдид мекунад — мувофиқи таснифи СММ, ин марҳилаи панҷум ва ниҳоии камчинии ғизо мебошад.
Тибқи иттилои Дафтари СММ оид ба ҳамоҳангсозии масоили башарӣ, гуруснагӣ вақте эълон карда мешавад, ки сатҳи камғизоии шадид аз 20 фоиз зиёд бошад, вақте ки дар як рӯз аз ҷумлаи ҳар 10000 нафар аҳолӣ зиёда аз ду нафар фавт мекунанд ва одамон ба ғизо дастрасӣ надоранд.
Омили асосие, ки боиси гуруснагӣ мешавад, ин — нобаробарӣ аст, ки миллионҳо нафар одамонро ба гирдоби фақр мекашонад. Ин ҳама дар ҷаҳони муосир, ки дар он афзоиши истеҳсоли маҳсулоти хӯрокворӣ мушоҳида мешавад ва он аз сари тамоми сокинони сайёра зиёдатӣ мекунад, сурат мегирад.
Аксари одамоне, ки ғизои шикамсерӣ надоранд дар Африқо зиндагӣ мекунанд, аммо миқёси гуруснагӣ тақрибан дар ҳама минтақаҳои ҷаҳон, — аз Ховари Миёна то Амрикои Лотин ва ҳавзаи Қариб афзоиш меёбад.
Гуруснагӣ, маъмулан, дар минтақаҳое, ки дастрасии башарӣ маҳдуд аст, дар минтақаҳои ихтилофҳо, ки боиси муҳоҷирати оммавии аҳолӣ мегарданд, эълон карда мешавад.
Ҳоло зиёда аз 41 миллион нафар одамон дар вартаи гуруснагӣ қарор доранд ва ба онҳо хавфи ҳалокат бо сабаби лоғарӣ таҳдид мекунад. Дар 43 давлати ҷаҳон, ба шумули Афғонистон, Венесуэла, Гаити, Гондурас, Ҷумҳурии Конго, Эфиопия, Яман, Зимбабве, Ҷумҳурии Африқои Марказӣ, Судон, Уганда ва Судони Ҷанубӣ вазъияти фоҷиаовар ба вуқӯъ омадааст.
Раҳбари БҶО Дэвид Биасли борҳо ҳушдор додааст, ки ҷаҳон бо шадидтарин бӯҳрони вобаста ба пандемия дар 75 соли охир мувоҷеҳ шудааст.
ДАР АКС: Мадагаскар. АКСИ БҶО/Ф.Ралаихаринони
МО ВА ТАЪРИХИ МО. Давлати Сомониён чун намунаи ниҳоят назарраси давлатдории тоҷикон дар Осиёи Марказӣ шинохта шудааст
Довталаби 83-солаи озмуни ««Тоҷикон»-оинаи таърихи миллат» Маъқула Ҳакимова: «Мо, калонсолон бояд дар хондану дўст доштани китоб барои насли ояндасоз намуна бошем»
Тоҷикистон ҷонибдори ғояи таъсис додани Котиботи Барномаи махсуси СММ барои иқтисодиёти Осиёи Марказӣ мебошад
Соли 2024 раёсат дар Барномаи махсуси СММ барои иқтисодиёти Осиёи Марказӣ ба Тоҷикистон мегузарад
Президенти Тоҷикистон Эмомалӣ Раҳмон истифодаи васеи технологияҳои рақамиро ҷузъи таркибии рушди иқтисоди давлатҳои аъзои СПЕКА номиданд
Сарвари давлат Эмомалӣ Раҳмон пешниҳод намуданд, ки дар Душанбе Маркази СПЕКА оид ба рушди зеҳни сунъӣ таъсис дода шавад
Пешвои миллат: «Мардуми шарифи Тоҷикистон зери Парчами миллӣ ба сулҳу оромӣ, суботи сиёсӣ ва ваҳдати миллӣ расид»
«БАРОИ ХИЗМАТ ДАР НАЗДИ ВАТАН». Ин мукофоти Сарвари давлат мояи ифтихори тамоми мардуми Тоҷикистон аст
ШАРИКИИ СТРАТЕГӢ ТАҚВИЯТ МЕЁБАД. Андешаҳо дар ҳошияи сафари расмии Президенти Тоҷикистон ба Федератсияи Русия
Сарвари давлат Эмомалӣ Раҳмон сафари расмиро ба Русия дар тавсеаи минбаъдаи шарикии стратегӣ ва ҳампаймонӣ қадами муҳим номиданд
НАХУСТИН ПАРЧАМИ ДАВЛАТИИ ТОҶИКИСТОН. Бо дастури Пешвои миллат соли 2007 ба Осорхонаи миллӣ эҳдо гардид
Барандаи «Шоҳҷоиза»-и «Фурӯғи субҳи доноӣ китоб аст» Шукрона Тоҳирӣ: «Мехоҳам бо арзи сипосу миннатдорӣ дастоварди худро ба Президенти Тоҷикистон эҳдо намоям»
