Дар пасманзари вазъи Афғонистон дар Ӯзбекистон машқҳои низомӣ оғоз шуданд
ДУШАНБЕ, 25.06.2021 /АМИТ «Ховар»/. Дар пасманзари шиддат гирифтани вазъ дар Афғонистон, дар Ӯзбекистон ҷиҳати ба ҳолати омодагии ҷангӣ овардани неруҳо машқҳои ногаҳонии низомӣ шурӯъ шуданд. Тавре АМИТ «Ховар» хабар медиҳад, дар ин бора дафтари матбуоти Вазорати мудофиаи Ҷумҳурии Ӯзбекистон иттилоъ додааст.
«Таҳти роҳбарии Вазири мудофиа Баҳодур Қурбонов, тибқи нақша, санҷишҳои ногаҳонӣ дар ҳавзаҳои низомии махсуси Тошканд ва ҷанубу ғарбӣ, инчунин дар қисмҳо низомии ва шуъбаҳои қӯшунҳои дифоъи ҳавоӣ ва неруҳои низомӣ — ҳавоии Ӯзбекистон гузаронида мешаванд», — омадааст дар баёнияи матбуотии Вазорати мудофиа.
Тибқи маълумоти вазорати мудофиаи ин кишвар, тамринҳои тактикии баталиёнӣ дар ҳудуди машқгоҳҳои Ангрен ва Тирмиз баргузор мешаванд. Зикр шудааст, ки ин иқдомот барои табодули таҷриба ва ҳамоҳангсозии фаъолияти қисмҳои низомӣ ва неруҳои муттаҳидаи фармондеҳии махсуси Тошканд ва ҷанубу ғарбӣ зарур аст.
Дар ҷараёни машқҳои тактикӣ фаъолияти ҳайати шахсӣ, имконияти тақвият бахшидани ҳимоя дар самти муайяншуда ва қобилияти иҷрои вазифаҳои ба зиммаашон вогузоршудаи тайёрии ҷангӣ тафтиш карда мешаванд.
Тибқи иттилои хадамоти матбуот, дар доираи машқҳо, метавон мавқеъҳои эҳтимолии душмани шартӣ муайян ва ба қароргоҳҳои он зарба зада шавад. Ин ба пешгирии ҳама гуна иқдомоти фаъоли душман мусоидат мекунад, шарҳ додааст вазорат.
Бояд илова кард, ки машқҳои низомӣ дар пасманзари шиддат гирифтани вазъ дар Афғонистон баргузор мешаванд. Дирӯз Вазорати корҳои хориҷии Ӯзбекистон хабар дод, ки 23 июн 53 низомии неруҳои марзбонии Афғонистон ва мансубини милисаи маҳаллӣ бо силоҳ ба қаламрави Ӯзбекистон гузаштанд.
АКСИ Вазорати мудофиаи Ӯзбекистана
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид
