Корхонаи «Чирадаст»-и Муъминобод хонандагони ятими куллро ба таври ройгон бо либосҳои мактабӣ таъмин менамояд

Июнь 4, 2021 10:24

ДУШАНБЕ, 04.06.2021. /АМИТ «Ховар»/. Бо мақсади таъмин намудани хонандагон бо либоси ягонаи мактабӣ корхонаи хурди «Чирадаст»-и ноҳияи Муъминобод либосҳои духтарона ва писарона омода намуда, муассисаҳои таҳсилоти умумӣ, литсей ва гимназияҳои ноҳияро бо либоси мактабӣ таъмин менамояд. Нархи либосҳои ягонаи мактабӣ аз 80 то 200 сомониро дар бар гирифта, аз ҳисоби корхона ба хонандагони ятими кулл ройгон ва ба хонандагони нимятими ноҳия 50 фисад нархгузорӣ карда мешавад.

Тавре роҳбари корхонаи мазкур Фарзонаи Шариф ба хабарнигори минтақавии АМИТ «Ховар» Сулаймон Холов иттилоъ дод, корхона бо 56 муассисаи таҳсилоти умумӣ, 1 литсей ва 1 гимназия шартномаи тарафайн дошта, дӯзандагони он барои ҷамъи умумии хонандагон -10 260 нафар хонанада либоси ягонаи мактабӣ медӯзанд.

Дар мадди аввал ҳар як хонанда аз 30 то 50 сомонӣ пешпардохт намуда, дар муҳлати ду ва ё се моҳ маблағи либосҳоро, марҳила ба марҳила пардохт менамоянд. Ин аз он шаҳодат медиҳад, ки хариди либоси мактаби ба мактаббачагон осонтар мегардад, чунки ҳар як оила имконияти яку якбора хариди либосҳои мактабиро надорад.

Ба ҳамагон маълум аст, ки дар ҳолати фаро расидани соли нави хониш нарху навои сару либоси мактабӣ дар бозорҳои марказӣ ва мағозаҳо дучанд гардида, ҳар як оиларо зарур меояд, ки ба як хонанда маблағи аз 1000 то 1300 сомонӣ сарф намояд. Айни ҳол 40 фоизи муассисаҳои таҳсилоти миёнаи умумии ноҳия бо корхона ҳамкорӣ намуда, кор дар ин самт идома дорад.

Гуфта мешавад айни ҳол дар корхона 15 нафар дӯзанда кор ва фаъолият дошта, корхона метавонад 60 нафар коргардухтаронро ба ҷои кор таъмин намояд. Масъулини корхона тасмим гирифтааст, ки либосҳои мактабиро бо сифати хуб ба мактаббачагон таъмин намуда, шартномаро бо муассисаҳои мактабӣ бештар намояд.

Июнь 4, 2021 10:24

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст