Кормандони милитсияи пойтахт хонандаи бадрафторро, ки нисбат ба омӯзгори худ беэҳтиромӣ зоҳир кард, муайян намуданд

Июнь 1, 2021 14:26

ДУШАНБЕ, 01.06.2021. /АМИТ «Ховар»/. 31 майи соли равон  дар як зумра  сомонаҳои иҷтимоӣ наворе нашру паҳн  гардид, ки дар он ҳолати аз синфхона рондани муаллимае аз ҷониби як нафар хонанда инъикос ёфтааст. Кормандони самти фаврии  Раёсати Вазорати корҳои дохилӣ дар шаҳри Душанбе навори мазкурро таҳқиқ  карда, ноболиғро муайян намуданд, ки дар натиҷа   волидайни ӯ ба ҷавобгарӣ кашида шуданд. Дар ин бора аз маркази матбуоти Раёсати ВКД дар шаҳри  Душанбе ба АМИТ «Ховар» хабар доданд.

Дар навори мазкур  дида мешавад, ки  хонандаи муассисаи таълимӣ нисбат ба  муаллимаи худ беҳурматӣ зоҳир намуда, ӯро бо як лаҳни тунд аз дари синфхона берун мекунад. Нашри ин навор ва ҳолати бадрафториву беҳурматии хонанда нисбат ба  омӯзгори  худ дар шабакаҳои иҷтимоӣ вокунишҳои манфии зиёдеро ба миён оварда, корбарони он  аз мақомоти милитсияи пойтахт дархост намуданд, ки нисбат ба  ин хонандаи бадрафтор чораҳои дахлдори қонунӣ андешида шавад.

Зимни санҷиш муайян гардид, ки ин амал аз ҷониби ноболиғ Ф.М. санаи таваллудаш 30 марти соли 2004,  сокини кӯчаи Н.Қарабоеви шаҳри Душанбе, хонандаи синфи 11 «А»-и  МТМУ №76 ноҳияи Фирдасӣ содир гашта, номбурда нисбат ба муаалимаи фанни алгебра,  шаҳрванд Ф.М. беэҳтромӣ намуда, ӯро аз синфхона берун мекунад.

Бо назардошти ҳолати мазкур нисбат ба  падари номбурда  шаҳрванд Лиқоев Некрӯз Фармонович,  санаи таваллудаш 7 апрели соли  1972, сокини шаҳри Душанбе,  кӯчаи Н.Қарабоев барои бемасъулиятӣ нисбат ба  таълиму тарбияи фарзанд,  бо моддаи 90-и Кодекси ҳуқуқвайронкунии маъмурии Ҷумҳурии Тоҷикистон протоколи маъмурӣ тартиб дода шуда, барои баррасӣ ба Суд ирсол гардид.

Ҳамзамон нисбат ба  ноболиғ Ф.М. ва ҳамсабақонаш суҳбатҳои профилактикӣ гузаронида шуд.

АКС аз РВКД дар ш. Душанбе

Июнь 1, 2021 14:26

Хабарҳои дигари ин бахш

Дар Душанбе Маркази тамоси электронӣ оид ба қабули муроҷиатҳо ташкил карда шуд
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад
ДАСТОВАРДИ ДАВРОНИ СОҲИБИСТИҚЛОЛӢ. Ба таъсиси Кумитаи ҳолатҳои фавқулода ва мудофиаи граждании Тоҷикистон 31 сол пур шуд
Ҳамкорӣ дар самти пешгирии ҷинояткорӣ байни милитсияи Душанбе ва Тошканд тақвият меёбад
Дар Хоруғ машқи омодабошии мудофиаи ҳудудӣ ва захираҳои сафарбарӣ баргузор шуд