Раиси шаҳри Ҳисор ба аёдати хонаводаи афсари шаҳидгашта Рустам Убайдуллоев рафт
ҲИСОР, 01.06.2021 /АМИТ «Ховар»/. Ба хотири гиромидошт ва абадӣ гардонидани номи сарбози дар ҳифзи Ватан ҳалокгардида Рустам Убайдуллоев муассисаи таҳсилоти миёнаи умумии рақами 57-и деҳаи Баракати Ҷамоати деҳоти Мирзо Турсунзодаи шаҳри Ҳисор, ки марҳум дар он таҳсил кардааст, ба номи ӯ гузошта шудааст.
Тавре аз Мақомоти иҷроияи ҳокимияти давлатии шаҳри Ҳисор ба хабарнигори АМИТ “Ховар” иттилоъ доданд, Раиси шаҳр Шарифҷон Ҷумъазода дар асоси дастуру ҳидоятҳои пайвастаи Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати бо ғамхорӣ фаро гирифтани фарзандону волидайни сарбозони дар ҳифзи Ватан ҳалокгардида, ба хонадони афсари шаҳидгашта, собиқ полковники Қӯшунҳои сарҳадии Кумитаи давлатии амнияти миллии Ҷумҳурии Тоҷикистон Рустам Убайдуллоев ба деҳаи Баракати Ҷамоати деҳоти Мирзо Турсунзода рафт.
Раиси шаҳри Ҳисор Шарифҷон Ҷумъазода ба модари Рустам, ки бар асари беморӣ пои равонашро аз даст додааст, аробачаи маъюбӣ тақдим намуд ва аз ҷониби мақомоти иҷроияи ҳокимияти давлатии шаҳр барои таъмини рўзгор ба ин хонавода маводи хўрока кўмак карда шуд.
“Қаҳрамонию ҷоннисорӣ ва хотираи неки фарзандони шуҷои Ватан дар хотирҳо абадан зинда нигоҳ дошта шуда, ҳаргиз фаромўш нахоҳанд гашт. Ба Шумо ҳама вақт ва дар ҳама ҳолат кумак расонида мешавад ”, -гуфт Раиси шаҳри Ҳисор ба пайвандони шаҳид.
Волидайни сарбози шаҳид ба раиси шаҳр барои зоҳир намудани таваҷҷуҳ ва ғамхорӣ нисбат ба оилаи онҳо ва арҷгузори ба ҷонфидоии фарзанди ҳалокгаштаи онҳо изҳори сипос намуданд.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
