Сухангӯи Вазорати тандурустӣ ва ҳифзи иҷтимоии аҳолӣ Эмомалӣ Мирзоев: «Овозаҳо дар бораи хурӯҷ кардани COVID-19 дар Тоҷикистон асоси воқеӣ надоранд»
ДУШАНБЕ, 17.06.2021 /АМИТ «Ховар»/. «Овозаҳо дар бораи гӯё хурӯҷ кардани бемории COVID-19 дар Тоҷикистон, ки чанд рӯзи охир дар баъзе аз шабакаҳои иҷтимоӣ паҳн мешаванд, асоси воқеӣ надоранд. Аз аввали сол то имрӯз дар Тоҷикистон ягон ҳолати нави COVID-19 ба қайд гирифта нашудааст»,-гуфт сухангӯи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Эмомалӣ Мирзоев имрӯз ба хабарнигори АМИТ «Ховар» доир ба ин мавзӯъ.
Ба гуфтаи номбурда, ҳамасола бо сабаби гарм шудани ҳаво як зумра бемориҳо, аз ҷумла бемории пневмония ё худ илтиҳоби шуш авҷ мегиранд. Рӯзҳои охир ҳарорати ҳаво ба ҳадди нигаронкунанда боло рафта, мардум бештар ба истеъмоли яхмос ва обҳои хунук рӯ оварданд, ки ин амал боиси ба илтиҳоби шуш гирифтор шудани онҳо гардид. Вале ин маънои онро надорад, ки ин беморон гирифторони бемории COVID-19 ҳастанд.
«Тибқи таҳлили мутахассисон, ҳоло бештар калонсолон ва кӯдакон гирифтори илтиҳоби шуш мебошанд. Аксарияти онҳо касоне ҳастанд, ки соли гузашта, ҳангоми хурӯҷи каронавирус бемориро аз сар гузаронидаанд ва шуши онҳо пурра барқарор нашудааст. Барои пурра барқарор шудани шуш онҳо бояд зери назорати духтурон қарор гирифта, тавсияҳои онҳоро пурра риоя намоянд ва аз нӯшидани нӯшобаҳои сард ва истеъмоли яхмос даст кашанд», — таъкид кард Эмомалӣ Мирзоев.
Сухангӯи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тазаккур дод, ки муассисахои кумаки аввалияи тиббию санитарӣ аз 3 то 10 нафарро бо нишонаҳои баландшавии ҳарорати бадан, сулфа, набудани иштиҳо ва беҳолӣ, ки аз аломатҳои асосии илтиҳоби шуш ва COVID-19 маҳсуб мешаванд, барои ташхиси COVID-19 пешниҳод мекунанд, вале хушбахтона ҳамаи он ташхисҳо манфӣ мебароянд.
«Албатта, вазъи имрӯзаи ҷаҳон вобаста ба COVID-19, яъне хурӯҷи ин беморӣ дар баъзе аз кишварҳои ҷаҳон моро ба ташвиш нагузошта наметавонад. Мо ҳеҷ гоҳ гуфта наметавонем, ки Тоҷикистон орӣ аз каронавирус мемонад. Аз ин рӯ, шаҳрвандон набояд ба ин масъала бетараф бошанд. Бояд қойидаҳои гигиениро риоя намуда, дар ҷойҳои ҷамъиятӣ аз ниқобҳои тиббӣ истифода баранд»,- гуфт сухангӯи Вазорати тандурустӣ ва ҳифзи иҷтимоии аҳолии мамлакат.
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Пешвои миллат: ««Чаҳорчӯби Душанбе барои об» муҳаррики пешбурди Рӯзномаи ҷаҳонии об пас аз соли 2030 хоҳад шуд»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
РАВАНДИ ОБИ ДУШАНБЕ. Ба Конфронси чоруми оби Душанбе беш аз 150 волонтёри ҷавон ҷалб гардидааст
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Стратегияи рушди соҳаи алоқа, барномаҳои давлатӣ ва омодагӣ ба 35-солагии Истиқлоли давлатӣ дар маҷлиси Ҳукумат баррасӣ гардид
Президенти Тоҷикистон аз афзоиши тӯфонҳои чанголуд дар минтақаи Осиёи Марказӣ изҳори нигаронӣ намуданд
ТАШАББУСҲОИ МОНДАГОРИ ПЕШВОИ МИЛЛАТ ДАР ШИНОХТ ВА МУАРРИФИИ ТАЪРИХУ ТАМАДДУНИ ОРИЁӢ
Меҳрномаи як ҳамзабон ба Пешвои тоҷикони ҷаҳон Эмомалӣ Раҳмон
ПАРЧАМИ НАНГУ НОМИ МО. Аз барафрохтани Парчами давлатии Тоҷикистон дар шаҳри Душанбе 14 сол сипарӣ гардид
